求情信無恥

英國爵士、前行政長官曾蔭權因貪腐問題罪成入獄。十分有趣的「收關」一幕是他親撰的「決不言悔」的專欄文章及一眾香江政商「大人物」的求情信。這些東西可謂「肉麻當有趣」，為曾蔭權評功擺好，完全不顧廉恥，潛台詞好像是曾蔭權不可能是香江開埠以來最高行政級別的貪犯，他這樣一位「一心為公、品德高尚」的人怎麼會被判有罪？該給他發一紙大獎狀才對嘛！

林鄭月娥的求情信吹捧曾蔭權，勤奮、盡心服務市民、聰明、對下屬有要求(我祇知佢對下屬好有要求咋)但同時關心下屬，是她的榜樣(呢樣嘢係所有公務員、或者受緊人錢財嘅人應份做嘅，佢唔係做緊義工)。曾俊華的求情信說，他在政府工作四十五年鞠躬盡瘁，全心全意以香港市民的利益為依歸(我都做左卅幾年至退休，亦曾收過嘉獎信/狀！咁係咪我違法都可以減刑？抑或要有頭有面嘅人寫求情信先有用？因此「七警」案件，即使九成香港市民認為不公都冇用----因為你同我唔係高官/富豪！)前律政司司長黃仁龍說，他堅信司法獨立(真係好鬼獨立，獨立到每個「官」都可以憑個人喜好判案)、支持法治(但冇公義)，是真正的香港仔(我都係真正香港女)，關心大眾福祉。唐英年說他是「模範行政長官」(直情係「人版」啦)。陳方安生說他對香港有重大貢獻(學佢一樣：賣港求榮？)……

曾蔭權也在文章自我標榜和貼金，提醒港人切莫忘記他「四十五年政府工作」如何光榮，切莫忘記他「參與成立香港首支棒球隊，與香港市民一起迎戰大鱷、全城齊心抗禦沙士、成立關愛基金照顧基層、訂下最低工資」等(我雖然唔係高官，我都一樣與市民一同應付「沙士」，更有同事那時因為要接觸「沙士」居民，而長時間不能回家。佢有冇吖？)他對自己幹下的貪腐之事態度強橫，聲稱「無論審訊結果如何，我決不言悔」(即係死不悔改！即係依家嘅判刑冇阻嚇作用啦。咁又係：相對得益(仲係全個家族)，真係抵到爛)。可見，這個人對自己的所作所為，對香港廉政的巨大傷害，對香港國際形象的惡劣影響，毫無歉意，這個人臉皮奇厚，毫無心肝(所以肯為佢寫求情信嘅人，又真係....唉！當年，佢都有份帮許仕仁寫求情信喎！我都話物以類聚架啦，今朝赤柱再相逢咯。仲有獨立房住，乎復何求丫。)

曾蔭權有今天，在於他的人品有虧，思想墮落，進入官場隨着他的步步高升、權柄日重，遂貪欲膨脹、膽大妄為、以權謀私、無所顧忌，加上其人器量格局甚小，甚不開眼，大小便宜通吃通佔，不覺丟人現眼，反而洋洋得意。還是那句老話，自作孽不可活，誰求情也沒用，反成笑柄也。

評論員 柳扶風

--------------------------

暫時「貪曾」因一罪判左二十個月，七除八拆後分分鐘一年走得！

另一項罪有待重審。不過九名陪審員要八名認為佢有罪方可入罪，都幾難！即使入罪，因應「官」嘅喜好又可以兩罪同期執行；香港真係犯罪者天堂-----祇要你識多幾個高官、富豪、律師.....

唉！當差啦，真係好仔唔好當差呀----響香港！