忙不停的一天
替她們拍照時, 我不慎露了手毛添!
這三個民工踎在路邊, 是在等火車回鄉度歲嗎?
一大清早,我便起床,為的是想跟囡囡先做網上練習,然後一家三口去睇《長江7號》,早場比較經濟,平日兩個人睇戲也要佰多元,現在三個人睇戲才只需90元,真的超值,而且《長江7號》仲係令我對港產片改觀的一套好片,以前,我不喜歡看周星馳的戲,雖然好笑,但太胡鬧了,而且我總覺得港產片是不值得我去花費的。但今次這套戲令我笑中有淚,這次已不再胡鬧,而是一部充滿溫情的戲,連囡囡也知我睇到喊呢!其實我睇戲是好易喊的,只要有少許感人的戲份,我的淚便會湧出眼眶,所以經常是眼腫腫的呢!
睇完戲,便立即回家進行大掃除,而囡囡則要練習考試的琴譜,大掃除期間,我奶奶上來拜神,即是今晚又有雞吃,正呀!當鋼琴老師到來時,我終於有時間休息一下了,我就是偷這段時間來上網,到囡囡下課後,便到老爺爺奶奶吃午餐,餐後,我們又要趕去太古城等睇表演,在等街期間,有個阿伯好討厭,還不是太多人等,但他卻不斷在擠迫著我,我移過少許,他又再迫過來,最後,我忍不住罵他不是,可他死也不認有擠迫過我,真奇怪,我明明企在一個伯伯後面,到最後,企在伯伯後面的竟變了是他,睜著眼也要說謊,實在太離譜,但好女不跟野蠻人鬥,我但求他不要再掂到我,便閃埋了一邊。
看過表演後,我和囡囡便回家去,她做功課時,我便上來睇blog,睇了一陣子,方才發現我還有衫要熨呢!做完家務,又夠鐘去睇最後一場表演了!
晚飯時,細姑仔及細姑爺也來吃飯,囡囡的小表妹只懂得叫她一個"表"字,真是個有禮貌的小孩,飯後,我們到吉之島逛超市,囡囡的小表妹想坐購物玩具車,可惜車子只得數輛,並早已給人家佔坐了,只好追著玩具購物車來玩。
今晚最巧的是我姑仔、囡囡及囡囡的小表妹也是穿了粉紅色的羽絨褸,走失了也很易尋回她們呢!
回家後,我又要趕晾衫,還想再洗多一轉毛公仔,可惜已經太晏,還是留待明天再努力吧!
周星馳 主演電影《長江 7 號》,反正明天〝大除夕晚〞我準備去睇,因為我有早前同事送來的〝換票證〞嘛,差不多已經有十多年冇喺戲院睇佢主演電影,對上一次買「飛」入場就喺 1993 年上演《濟公》,當時唔知道係咪受到朋友影響下,往後我冇再睇佢主演電影,因為唔係許多觀眾喜歡 周星馳 嘛,或者早喺十多年前, 周星馳 想轉變佢電影風格,希望從電影裡想表達一個訊息,但問題係觀眾的層面未去到可以接受的 level ,故此曾經沉寂咗有一段時期咯........
至於您講呢位伯伯,我覺得佢很有「古古怪怪」咁,都唔知道佢咁做的真正目的係究竟想點吖?
她們三個是否一早襯了顏色 , 相約到超市相認的呢 ? 哈哈哈 !
那些阿伯可能不只搶位那麼簡單 , 他們有些品行差的 , 會趁機搏亂 , 要小心點啊 !
原本想學鋼琴的我,却學了古箏,,,暈@@
若你不說,我都以為相中人乃Candy你呢! 外型挺像,又一身粉紅母女裝, 正猜測你是何時弄了鬈髮,因為無聽你提過....
前天下午我們拜神了, 那隻雞,已被我們剝皮拆骨,合力幹掉了~
正。
那我要購票了。
長江7號, 我又要睇。下次等埋我!
大掃除, 那麼快就攪掂嗎 ? 應該有好多東西要做的。
替她們拍照時, 我不慎露了手毛添!
你D手毛都好濃密噃
話俾penny知,遮面嗰個係你姑仔而唔係你
"這三個民工踎在路邊, 是在等火車回鄉度歲嗎?"
著埋同一顏色的大衣,真攪笑......
靚女 Candy,唔駛遮面啦~係人都認得妳啦~