星期一必歎十蚊九件麥樂雞！麥記有優惠市民「10 Fun開心」

2017/08/12 10:11:05 網誌分類: 生活

12 Aug

        眨下眼就到八月中，為咗延續夏日嘅歡樂氣氛，麥當勞又推出超值優惠，等大家可以喺暑假尾聲盡情玩樂！麥當勞下星期一起，將會推出一連串「10Fun開心笑唔停」超值驚喜，只要用十蚊就可以歎到精選美食，款式仲日日唔同㗎，真係超抵呀！

        麥當勞下星期一推出嘅超值驚喜優惠「10Fun開心笑唔停」，每日上午十一點後會推出一款十蚊精選美食，款式日日不同，等大家可以用超抵價歎盡夏日滋味！Kelly靜靜雞話你知頭三日有咩優惠啦，下星期一率先登場係十蚊九件麥樂雞，星期二就有十蚊兩個漢堡包，星期三就係十蚊兩個香蕉批。不過手快有，手慢無，優惠供應期、供應地點同數量有限，賣晒就無㗎喇！

        十蚊美食日日不同

        至於之後嘅優惠係乜，麥當勞話暫時要賣個關子，想知就要每晚緊貼麥當勞嘅電視廣告或者喺麥當勞facebook專頁，留意住翌日嘅優惠詳情，亦都可以喺當日嘅報紙同麥當勞網頁中見到啲優惠，夠晒驚喜，真係令人日日開心笑唔停呀！

        KellyChu