要人人知不妨好低Ｂ
以一個釘書機加兩個壓驚魚柳包，小小的肉體「痛苦」：釘下來，豁出去！咁就引起全城熱話，都咪話佢唔係宣傳高手..這個「普通死肥仔」創造了另一條低成本出名定律，把一個平平無奇的釘書機，釘出了肥大髀十字架世紀懸案，雖不是美麗傳奇亦足以傲視眾生，試問邊個夠膽話佢傻？
笑看天下：要人人知不妨好低Ｂ
「若要人不知，唔好太低B」！睇過民主黨林子健肥腿「十字架釘書釘」事件的市民，對呢位名不見經傳卻一夜爆紅嘅林釘人，其被「強力部門」於旺角鬧市擄笠之「時空交錯」，令人撲朔迷離，如此荒誕奇趣的擄笠劇情，以一個釘書機加兩個壓驚魚柳包，小小的肉體「痛苦」：釘下來，豁出去！咁就引起全城熱話，都咪話佢唔係宣傳高手。
劇本雖爛到無朋友，爛到攞支AK47指住你個頭你都忍唔住想笑，之不過，佢真係令一個自稱「懦夫」、「好怕死」嘅「普通死肥佬」聲震寰宇，連英美外媒都予以關注，有些甚至放在頭條；可見世事無絕對，「若要人人知，不妨好低B」！這個「普通死肥仔」創造了另一條低成本出名定律，把一個平平無奇的釘書機，釘出了肥大髀十字架世紀懸案，雖不是美麗傳奇亦足以傲視眾生，試問邊個夠膽話佢傻？
林子健被捕後三緘其口，探員錄口供時，佢就報稱頭暈，警方惟有將其送院。看來警方要追查林「大話西遊」之行蹤，以及其肥腿上「十字書釘」是如何造成，必須出盡洪荒之力。至於，要追溯如此詭異劇情的背後動機是否涉及政治目的抑或個人原因，釘王來個「夏蟲也為我沉默，沉默是當晚的西貢」！以詩意化解盤問，你又吹得我呢個「懦夫」脹咩？
老朽從來不敢睇小面懵心精者，林釘王一時話「感恐懼，會收聲」，呢頭又上電台大噴口水花，林釘王是真癡定假傻，神都未必判斷得到，不過一眾政客訟棍就如鯊魚嗅到血腥的撲上去，指控強力部門無法無天、一地兩檢如黑洞，點止割地咁簡單！德國詩人席勒認為，一個自然混沌嘅人無所畏懼，因為他沒有道德意識，一旦他有了道德意識，首先得到的便是畏懼。跟車太貼的泛民，看來都是無所畏懼的「勇者」，林釘王這個資深黨員，真是個千年難見的異類，難怪李漢奸力竭聲嘶要保護他。
http://orientaldaily.on.cc/cnt/news/20170817/00184_008.html