域 流亦詩
域 流亦詩
域 流亦詩

星星 鐵鎚 鐮刀

2017/10/06 14:32:45 網誌分類: 講人自講
06 Oct

掛個羊頭賣三六

拍硬肥佬喧講獨

呢兜瞀里搭沉船

反民遲早一鑊孰

 

近日江湖上流傳、罪惡城過氣大老閣影國佬將會重返呀太、所以城中嘅港影娛業從業員表現得非常雀躍。早幾日之前、被議事堂炒魷魚嘅常無就帶隊上街遊行、但今次並冇像以往一樣抬棺材、而係高舉一枚黑底金星嘅橫額邊行邊喊打。之但係、常無以這面招牌展示唔妥紅家會是犯下本質上嘅錯誤。若是無意嘅話、當佢無知情有可原。若是刻意嘅話、此君旨不在紅家會、而係與整個龍族過唔去。眾所周知、紅家會嘅象徵係那個刻上鎚鐮交叉嘅紅底招牌而非龍族象徵紅底星星招牌。常無居然以黑代紅、口講反紅實反龍、都可謂其心可誅矣!不過又好難怪佢嘅、以常無今日乜都唔係嘅身世嚟講、如果唔做出能吸引影國佬眼球嘅舉動、人家連眼尾都唔會睄佢一吓嘅。

 

自從反盟在黃亂一役遭遇滑鐵盧之後便聲名狼藉、大佬級人物唔係自己摺埋就係被擁躉唾棄、惜日聲勢已經一去不反、剩下來只得眾叛親離。新一代反盟大佬自知反魂無術、於是把心一橫便跟隨新冒起嘅智缺派步伐走。結果自貶身價都唔在講、搞到自己人唔似人、鬼唔似鬼咁款。最慘就係大老闆靚國佬失驚無神喊將輸水到罪城嘅一條大水喉關上、從此絕水吖嘛!之不過、當反盟感到絕望之際、影國佬忽然宣布將會重返呀太加強五國(影國、袋鼠、扭細蘭、大馬、獅城)聯防嘅力度、並代替靚國佬在男海橫行。在從事港影娛業人士眼中、舊老闆重臨必定有好關照、到時就唔憂竅啦!問題係、以大影細國今日嘅財力和武力、是否足以令紅家會賣佢怕?嗱、袋鼠和扭細蘭與影國有血緣關係、所以在情理上支持影國是無可厚非的。但大馬和獅城乃係龍國鄰居、在經貿方面很大程度上須要依賴龍族、當然不願意就此跟龍國鬧翻的。西方對龍族復興實在怕得要死、所以這台「困龍於淺水」嘅戲還要繼續唱下去。大家不妨睇吓班友仲有乜嘢花臣可以使出來吧!

 

 

 

回應 (1)
我要發表
開心van仔
開心van仔 2017/10/07 00:23:39 回覆

五星是国旗,鐮刀是黨旗。一

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!