域 流亦詩
域 流亦詩
域 流亦詩

臥底

2017/10/27 00:19:27 網誌分類: 講古
27 Oct

臥底又名無間道

總之係冇好人做

不成功者便成仁

半身踩入黃泉路

 

臥底電影和電視劇經常都有得睇、但在現實環境之中你又見過真正嘅臥底未?昨晚在榕樹頭聽三叔公講咗一個有關於臥底嘅真人事蹟。據說、阿力嘅同門師弟洪尚志是一名品學兼優嘅大學生。當尚志畢業之後便成功投考警務督察。可惜他在學堂受訓期間嚴重違紀而被格扯。被逐出學堂嘅尚志情緒非常之低落、終日沉醉於酒色而且染上毒癖。從此尚志便離開咗爸獨個兒在外面亂闖、睡嘅地方唔係橋底就是巷仔、用嘅錢都是偷偷搶搶得來。如是者過咗一年多、尚志在拜咗一個叫肥乜嘅拆家為大佬、從此就當上跳灰。有一次阿力途經秋園街時跟尚志碰過正着。阿力二話不說、便一手將尚志拉人茶餐嘆茶兼聚舊。當阿力坐低之後、劈頭第一句就問尚志點解搞到咁樣衰。尚志亦毫不隱瞞將他的經歷如實相告。尚志在臨走前還向阿力借咗一百元。嗰餐茶飲得阿力十分唔開心、因為他見到尚志淪落到那個地步而感到非常心噏。

 

如是者過咗五年、當阿力行經東營盤矮街時見到一隊藍帽子正在巡邏、當中一名三柴(阿力的朋友)鄭亞波走過來跟阿力寒喧、期間帶隊的那名小鬍子而粒一槓(大幫)也走過來。起初阿力以為那名大幫是走過去詐阿波形、但當他定眼睇清楚之後雙眼便發光似的由頭到腳、再由腳到頭的打量那位纜着紅色銀雞繩、膊頭乘托着兩粒一槓嘅大幫。因為來者並非別人、就是那個曾經瞓後巷和打白粉針嘅道友洪尚志。後來阿力才知到尚志原來係警方臥底嚟。據尚志講、當年為求逼真確實染上毒癮、而且所有「偷、搶、騙、當、砸、打、伏」等蠱惑仔常做嘅事佢都做過。情節跟電影和電視劇內容很相近。例如家人不量解、朋友在街頭見到他便向街尾走等等。尚志說、當他復職之前首先是戒毒和重新受訓、然後才可以回復警察身份。嗱、各位街坊、電影和電視劇裡面講嘅臥底都是又緊張、又精彩、甚至被描寫到成個英雄咁款。但在現實世界嘅臥底就唔一樣。例如尚志當臥底期間、生活得簡直賤過流浪狗。現在尚志己退優多年。但聽聞話、每當翻風落雨之前、他的身體上嘅舊患使得他混身疼痛。也許、這就是當臥底嘅代價吧!

 

 

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!