陸羽仁
陸羽仁
陸羽仁

利息收益率曲線趨平

2017/11/08 08:54:30 網誌分類: 經濟
08 Nov

杜指朝早創出歷史新高後回落,收市微升9點,收報23557點;標普500指數微跌不足1點,收報2591點;納指微跌19點至6768點。

最亮眼的仍然係油價,紐約12月期油昨日中午一度升上每桶57.69美元,不過午後升幅收窄,收報57.2美元,較上日輕微回落15美仙,仍處於兩年半以來高位。能源股亦跟著回落,標普500指數能源分類指數跌較昨日跌0.2%。

布蘭特原油昨日則繼續向上,昨日再升3%至每桶63.94美元,布蘭特原油與紐約原油的差價達6.74美元,亦升上逾兩年半高位。由於布蘭特油價主要反映中東石油的出產價,布蘭特油價近期升得明顯比紐約油價勁,分析解釋,主要因為中東最大石油出口國的沙特近期上演王室大亂鬥所致。昨日就傳出撒爾曼王儲(Mohammed bin Salman)收緊控制王室、部長以至投資者,包括著名的億萬富商Alwaleed bin Talal和極有權勢的國家保衛部部長米泰布王子(Prince Miteb bin Abdullah)。

有分析指出,沙特有5000個王子,就偏偏抓捕當中的11個,而這幾個王子同美國都行得比較近。不過,撒爾曼的行動當然唔係反美,而係要將與美國的聯系,獨攬在自己身上,與美國如何發展,由他說了算。所以,分析指出,沙特今次的王室大亂,其實同奪權政變差不多,只係有人用反腐來包裝奪權而已。但無論如何,到目前為止,分析師目前仍未見會更改推高原油價格的政策。對未來油價的升勢以至能源股,屬利好因素。

美股昨日先升回落,主要受到金融股拖累,由於銀行賺錢主要靠利差,即以短期利率借錢,再放出較長期貸款。而兩年期國債收益率昨日收1.633厘;10年期國債收益率收2.316厘,兩者差距收窄至68.3個點及,係2007年11月以來首見。長息走軟令息差無咁濶,收益率曲線趨平,靠食長期借貸息差的銀行利潤就勢來越薄,銀行股當然無運行啦,對地產股較有利。

至於導致收益率曲線趨平的主要原因是,長債收益率下滑,30年期公債收益率觸及8月下旬以來最低。昨日收2.779厘。銀行股受壓,摩根大通跌2%,高盛昨日跌1.5%,係表現最第一同第三差的杜指成份股。

據美國聯邦利率期佈交易數據暗示,交易商完全消化了聯儲局在12月升息0.25厘的可能性。不過,Sit Investment Associates的高級資產組合經理Bryce Doty表示,在聯儲局今年舉行最後一次議息會後,「預計收益率曲線趨平的趨勢將會再度抬頭。」

陸羽仁

回應 (13)
我要發表
kathleen
kathleen 2017/11/09 06:57:58 回覆

2017-11-07

Dow Jones Industrial Average (^DJI) 

23,563.36 +6.13 (+0.03%)

前收市價23,557.23
開市23,542.60
成交量264,674,152
今日波幅23,510.56 - 23,575.00
52 週波幅18,252.55 - 23,602.12
平均成交量307,943,230
animal666
animal666 2017/11/09 06:19:16 回覆

閱文唔易變騰訊第二
2017年11月09日

  外圍冇動靜,港股就聚焦咗喺新股閱文(772) 股價及相關新聞 首掛上板。佢未上市前,阿媽騰訊(700) 股價及相關新聞 已搶閘創新高,所以市場都對佢寄望甚殷,結果閱文都無失威,首掛升幅超過預期,最高曾爆升一倍見110元,收市報102.4元,較上市價55元,高出47.4元或86.18%。不計手續費及佣金,一手200股賺9480元。

  開市後,幾個中環茶友見佢升勢超乎預期,都打嚟問好無食胡沽貨。茶友中大部份人都有入紙申請,由於佢哋都係有銀之人,唔借孖展入飛數量有番咁上下,結果都係分得一兩手雞碎咁多。呢班茶友中,攞到一、兩手都唔當一回事,但見到佢咁升法,都忍唔住吹吓水,好唔好沽咗佢買個iPhone X。

  首掛表現遠超專業估值

  對於大小股民,賺到錢食胡,陸羽仁基本態度係收割獲利幾時都無壞,特別係好似呢類賺錢咁快咁深嘅個案,股票好似公仔紙,落咗袋先係真錢。不過茶友們吹水嘅背後,係問緊閱文個局,大戶會唔會費事收貨,就咁再炒上去散水,若然係咁有可能你沽完佢再升,若然唔係股場老手,沽完再升未必咁開心。但陸羽仁仍然係嗰句,佢如果你想食胡,咁咪隨心所欲做囉。

  陸羽仁咁答有兩個原因,最大原因就是信專業。閱文上市有商人銀行提供意見,佢阿媽騰訊又係科網界龍頭,兩大行家訂出嚟嘅招股價55元,應該好專業,就算公司訂價唔想去得太盡博市場好感,照計都冇理由平咗一半推出市場啦,所以依家佢咁升法,從估值角度係咪有啲非理性亢奮呢?

  有茶友性格包拗頸,話咁又點知閱文唔係騰訊翻版呢?騰訊當年由美資大行安排上市,結果掛牌幾年後開始發力,升到唔停,證明大行都會睇錯啦。茶友呢個講法聽落好似有道理,但就抹殺咗騰訊上市幾年後,特別係2007年後移動互聯網嘅特殊性。

  騰訊上市初期升幅都唔係咁勁,但隨住公司愈做愈好,特別喺移動互聯網時代,微信喺內地有壟斷地位,盈利不斷增長,估值先可以調高再調高,呢個情況肯定連創辦人馬化騰都估唔到。生意係生,估值係死,騰訊上市時嘅估值,反映咗當時公司實際情況,所以股價係隨住市場情況同公司發展不停轉變,騰訊盤生意都通過咗無數咁多樽頸,先至去到今天,以公司計係千中無一。要注意嘅係,騰訊可以發展成移動互聯網年代跨行業龍頭,但閱文就無乜機會去到呢個地位,因為呢個位佢阿媽騰訊已經坐咗。

  從閱文定價已反映專業估值嘅角度講,閱文依家比招股價升咗85%,可以話已超越咗專業對佢中短線估計嘅價值,將來佢會唔會變成中國MARVEL冇人敢講死,但至少中、短期嚟講佢已經幾貴,依家沽出咗日後可能有機會平啲買番。

  至於第二個原因簡單啲,就係閱文之後,仲有其他科網股嚟緊。啱啱呢個星期招股嘅易鑫(2858) 股價及相關新聞 ,都一樣有騰訊概念,所以沽咗閱文,可以買吓易鑫。

  陸羽仁識嘅茶友覺得中一兩手閱文太少,本來已諗住短炒,所以沽貨者多,留貨者少,他們嘅心態係賣仔莫摸頭,再升都唔關自己事。而少數例外唔沽者是長揸派,乜股都長揸,閱文都唔例外。

  睇番個市其實都唔係一片好景,港股喺新股熱潮下要回落收市,恒指收報28907,跌咗86點;國企指數收報11576,跌69點,成交去到1388億元。累升唔少嘅騰訊倒跌1.4%,報385.6元。受惠新股上市嘅港交所(338) 股價及相關新聞 都跌0.61%,收報227元。

  領匯預警低息有利環境過去

  領展(823) 股價及相關新聞 公佈第三季業績,中期分派按年升8.7%至1.215元。摩根士丹利唱好話符合預期,仲話領展續租租金調整率強勁令市場驚喜,預期策略性重整可支持佢估值,重申對領展「增持」評級同埋目標價68元。

  不過領展股價一度倒跌,收市就報66.4元,無升跌。領展股價下半年呆呆哋,我覺得同市場注意力去咗好似騰訊呢類概念股有關,自從美國縮表前後利息向上走,市場對收息股興趣下降,對領匯唔係咁著數,加上好似管理層都話,有利嘅低息環境正在消失,會繼續採取審慎資本管理方針,抵禦市場波動,咁大摩話有驚喜,又係咪有人聽佢支笛先?

  陸羽仁

 

 

依家控股
依家控股 2017/11/08 21:45:22 回覆

袋鼠兄,

在下咁岩去左新加坡, 先睇到閣下貼文, 外國樓都係買現樓好, 在下唔會考慮樓花, 最好有澳洲市中心新起好現樓高層千五呎以上+超大陽台, 一見望晒成個市城景冇遮擋果種, 唔知家陣賣幾錢?

 

岩岩食完野係行下Orchard Road, 行行下行左去後面一條路叫做Hullet Road, 格調都幾優雅, 如果Orchard Road等於銅鑼灣, Hullet Road應該類似加路連山道, 立即上網睇下, 原來半新樓1500呎二手叫緊420萬玻紙, 即係2400萬港紙, 圍起港紙16000蚊呎, 我同新加坡同事講, 好平, 佢問我16000蚊呎係香港買咩樓, 我話香港最緊賣緊個新樓盤, 係全港最大堆填區隔離, 都係賣16000蚊呎, 同樣呎價係新加坡可以買Hullet Road半新樓, 你話係咪好平? 連最串既新加坡同事都O咀冇晒野講, 其實香港加路連山道最少3萬蚊呎起跳, 仲要係超舊樓, 比樓價新加坡連香港車尾燈都睇唔到

子龍 (kaka就是大叔的契哥)
子龍 (kaka就是大叔的契哥) 2017/11/08 15:45:06 回覆

大戶兄: 大龍鳳幾時完, 必定要看今次的領頭羊---->700. {#iconb_62}

大戶終結者 ( 等人齊 )
大戶終結者 ( 等人齊 ) 2017/11/08 13:33:50 回覆

將軍,

大龍鳳幾時做完?   {#iconb_221}

子龍 (kaka就是大叔的契哥)
子龍 (kaka就是大叔的契哥) 2017/11/08 12:21:46 回覆

叮噹....半日大市升85點, 企易萬狗, 成交812億 {#iconb_62}

799半日收1038, 成交近4千萬

772半日收1043, 成交117億

 

幪面馬仔
幪面馬仔 2017/11/08 11:36:56 回覆

{#iconb_62}

little mo
little mo 2017/11/08 11:27:01 回覆

{#icono0_1}

TC (投知) [信自己]
TC (投知) [信自己] 2017/11/08 09:57:39 回覆

772 {#iconb_69}

TC (投知) [信自己]
TC (投知) [信自己] 2017/11/08 09:20:05 回覆

早呀~

大戶終結者 ( 等人齊 )
大戶終結者 ( 等人齊 ) 2017/11/08 09:10:57 回覆

{#iconb_62}

kathleen
kathleen 2017/11/08 09:03:02 回覆

{#iconb_25}

 KFC
KFC 2017/11/08 09:00:05 回覆

Good morning.

user

最新回應

門徒
門徒 2019/10/24

將軍你挾死我喇 {#iconb_610}

子龍 (kaka就是大叔的契哥)

攻呀攻  快搶攻...... {#iconb_3135}

kaka422617
kaka422617 2019/10/24

各位早