蕃薯
2017/11/28 08:11:09 網誌分類: 講飲講食
踏入秋冬,市面上見到好多唔同種類番薯,食法、功效都各有不同。
黃心番薯
味道微甜,水分較少,含有豐富維他命B同胡蘿蔔素,具抗氧化功 能。多數會用來製作番薯糖水!
紫色番薯
紫色番薯有「紫薯」同「紫心番薯」之分,紫薯味道較淡但營養較高,紫心番薯糖分則較多,卡路里同甜度都較高。
橙心番薯
口感較粉,味道香甜,含有豐富嘅維他命A同胡蘿蔔素,有助改善眼乾等視力問題。用嚟製作番薯片小食一流!
白番薯
白皮白肉嘅白番薯比較少見,多數以清炒或涼拌為主。白番薯有助改善肝臟機能,令血糖下降,唔少糖尿病患者都會食用!不過想知啱唔啱自己食,建議先向家庭醫生諮詢。註︰白番薯同薯仔係唔同㗎 😆
溫馨提示:番薯性質微涼,脾胃虛弱嘅人唔好食咁多呀!另外,如果見到番薯表面出現黑色斑塊,即係變壞咗,切忌食用!
回應 (0)
我要發表