為什麼會有無窗廁? 究竟誰得益?

1. 背景
建築物條例對住宅通風照明(包括廁所)有嚴格規定. 條例一直適用, 沒有改過.
政府於97年開始, 對廁所窗作出豁免, 條件是要提供符合要求的人工通風照明.
政府作出豁免前, 已經經過很多專家顧問研究. 沙士一役後亦作過檢討, 認定可以接受才繼續批出豁免. (當然你可以唔信專家,顧問,政府. 小弟有時都唔信.)
業界表示歡迎, 豁免能令開則的彈性加大.

2. 要個個單位既廁所都有窗咩難處?
當然冇難處. 97年未有豁免前, 全部都做到. 一般來說, 其實只要將D單位拉散D, 咁就可以度度都有窗啦! 但拉散後, 公眾走廊會加長. 公眾走廊唔可以賣錢的. 即是大部份有無窗廁設計的則, 都是有較高效率, 可以賣多D錢的.

3. 點解政府要作出豁免, 益發展商?
(咁難答既問題, 曾特首都答唔倒你!)
政府作出豁免, 發展商當然即時得益, 可以的話, 都會改則, 務求賺多D. 但過左一水之後, 當發展商要買新地時, 問題便來了. 例如拍買地皮, 當然係計劃用無窗廁設計的發展商, 可以出高D價錢. (因有較高效率) 無形中地價便貴了. 拍地價高左, 補地價的項目自然水漲船高. 政府成為最終的羸家. 這亦是”高地價政策”的本義.
(其實所謂豁免環保設施, 道理亦差不多, 政府都係最終的羸家.)
而發展商在這個政策下, 要維持競爭力, 無可避免地都會有機會用無窗廁設計. (當然亦要取決於個別項目的背景.)

4. 市民唔喜觀無窗廁, 可以點?
唔喜歡就唔好買, 市場力量是最有效的. 當然, 現在看來, 市民唔喜觀的程度, 未至於對發展商構成壓力.
市民亦應做多D功課, 睇清楚D賣樓書才買樓. (賣樓書中有很多很多, 發展商唔想刊登, 但政府規定要有的資料. 這是我給你的tips.)

5. 無窗廁設計是否不可接受
廁所當然有窗好過無窗. 可不可接受要看你的生活習慣. 專家,顧問,政府話可以, 無大問題, 信不信由你.