「波波」榮膺史上最廢財爺

人生在世，有邊個唔想流芳百世吖，但係有幾多人做得到；退而求其次，咪遺臭萬年囉！總好過寂寂無名吖馬---有人真係咁諗架！仲越嚟越多人咁諗---果班寵物狗、果隻死肥佬、小丑、毛婆....嘩！十隻手指肯定數唔晒....咁多嘢入選，咪越嚟越唔值錢？

最新上榜果位竟然係「波波」，佢榮膺「香港歷史上最廢財爺」。

上星期六，約左三個「豬朋」新年第一場「竹戰。朝早煲定個「章魚連藕花生雞腳豬骨湯」等住俾人劏！結果不負眾望，得一位「豬朋」贏大錢，一個輸大錢、一個贏少少、一個執番身彩！平時我地抽水食飯，食完飯仲可以分番啲水，今次打破傳統，幾經努力才抽夠水食飯---唔駛再夾經已「阿彌吉蒂」！

「竹戰」期間，講開財爺會唔會派錢，一致公認佢應該派！呢啲係眾望所歸啫，除非財爺冇得留低，否則呢個祇係夢想。我份人要求唔高，諗住真係派咪得幾千咁大把，估唔到我幾位「豬朋」咁大貪--佢地認為應該每人派十萬銀---佢地嘅邏輯係澳門派左咁多年，加加埋埋十萬銀差不多；我告誡佢地：發夢冇咁早！

----------------------------- 

財政預算案將於周三發表，面對庫房水浸，盈餘隨時高達一千六百億元，加上過萬億元儲備，港府簡直肥到穿不下襪子，還富於民的呼聲亦一浪高於一浪，各政黨最近紛紛轉口風，要求財爺陳茂波派錢，可見民意彰彰明甚。

港府盈餘豐厚，主要受惠於賣地成績理想，但港府豬籠入水的同時，卻造成高地價、高樓價、高租金的「三高」死症，香港百物騰貴，民生維艱，很大原因是三高導致。港府既無力協助市民上樓，又無力壓抑樓價，推出的惠民扶貧措施不是關卡重重，就是受惠者稀，不論貧富現兜兜派錢，讓所有人甜一甜嘴巴，是港府最容易做到也是最公平的做法，陳茂波一味托手㬹，除了證明個性涼薄，亦反映他堅離地，不知民間疾苦。

最莫名其妙的是，高官動輒將投資未來當成不派錢的理由，其實兩者可以同時進行而互不牴觸，何以偏要將兩者置於對立面？何況當局所謂的投資未來，不外乎成立一個又一個「有得睇冇得食」的基金，除了明益金融界，根本無人受惠。

說到底，港產官僚向來嫌貧愛富，對基層苦況不屑一顧，政策只知向大財團傾斜。當初口響指摘鬍鬚曾是守財奴的陳茂波，竟然比前任還熱衷做鐵公雞，「史上最廢財爺」後繼有人，最苦還是小市民。

傳媒人 程萬里