域 流亦詩
域 流亦詩
域 流亦詩

死攬笠機鋒

2018/05/01 15:22:51 網誌分類: 講人自講
01 May

你說我錯不認錯

縱然老笠又如何

只有公堂可判罪

其他瞀里咪囉唆

 

呢嗱、現實勝於一切係啱嘅。垃圾尊貴笠機鋒雖然涉嫌犯下「以暴力老笠 EO 姐手機、以及透過受害者手機竊取別人私人資料」刑事之罪、並且在人皆喊𢱕之際、白鴿會卻義無反悔的死攬笠機鋒唔放、其實係有莫大苦衷嘅。冇錯、笠機鋒的確係衰咗、而且仲係陀衰家嚟、絕不能讓他被其它幫會招攬、否則白鴿會就連個勢都輸埋。如果笠機鋒唔係垃圾尊貴嘅話、恐怕佢撻埋落屎坑都唔荒會有人睄佢一眼。身為白鴿會坐館嘅亂噏韋、又點會睇唔出嗰班喫弟想點?除非六判爺判笠機鋒入冊、以致連份職都冇埋、否則唔使主意。

 

話時話、近來白鴿會都可謂新聞多多、可惜係負面居多。去年出咗嗰個自己用釘書機自殘而入紅家數嘅釘肶健、已經丟盡白鴿會嘅假。如今又再走出一個老笠女人手機、然後衝人廁所唔知做乜嘅笠機鋒、都可謂鴿門不幸喇!難怪江湖上一直流傳、自從創會元老白鴿華騎鶴而去之後、白鴿會就後繼無人。你睇、家陣白鴿會無事可做、只能夠去挖番思威嗰單UL畸屎出來炒冷飯、就知到係幾咁失敗咯!試問、一個已經在罪惡城街坊心目中無關痛癢嘅過氣一哥、何德可能須要勞動現任尊貴花時間去追殺?如果某白鴿仔所講“手上擁有思威貪污嘅證據”係真嘅話、應該立即交給青天衙門秉公辦理、而唔係喺度搞搞震冇幫襯嘅。難道白鴿會唔知到「知情不報」係犯法嘅咩?唔該你哋啦、正正經經咁去為班街坊做實事、唔好再將時間浪費在一些嘩眾而不討好嘅事情上去。否則、白鴿會賺得被大眾違棄架咋!知冇?!

 

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!