域 流亦詩
域 流亦詩
域 流亦詩

又衰一鑊

2018/05/15 15:51:55 網誌分類: 時事
15 May

速龍向來事幹多

連番遇阻太坎坷

超資已經成習慣

賣張車票事多磨

正當速龍密鑼緊鼓準備通車之際、江湖上爆出售票安排出現問題。據講、從本城賣票只能通往指定十三個車站,而非全線。如果行程超出指定範圍、乘客必須要透過網上購票系統補買車票,或在內地車站另行補飛。嗱、講府宣傳給予街坊嘅印象係、一票在手可通全線、而現在失驚無神話要另行補飛。究竟問題是出自罪惡城定係內地就不得而知。但令人想不通嘅係、點解連咁簡單嘅問題都解決不來?究竟係講府執事太廢、抑或係內地太霸道?點解講府不向講馬笨公室投訴或要求協調?西廠在此事之上有沒有角色的呢?現在又要勞動城中輿論發聲將件事揚開。難這講府真的到了走投無路嗎?點解打得之人在這件事之上連屁都不敢放一個?點解?

嗱、縱觀本城形勢發現、機乎所有與內地合作嘅項目都是一波三折、事幹多多、而且在臨門一腳便出現一些拖泥帶水嘅情況。即使反派事事反對、亦總能抓到講府痛腳。點解佢哋咁神通廣大、往往能夠知人所未知、而先發制人?究竟係何方神聖所提供嘅消息?再講、現在整個工程都已經完成啦、點解仲未傾掂售票安排?講真啦、既然有「一檢通」這個概念、點解冇「一票通」嘅意識呢?這條花費千億銀両建成並能貫通罪城與大圈嘅速龍、被搞到成條屎蟲咁款、究竟是誰之過?所謂貫通全線原來只屬語言偽術、叫街坊以後點樣去相信講府?這個惡劣印象是誰監硬扤畀罪城街坊嘅、吓?!

回應 (0)
我要發表
user

最新回應

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!

萬大有商量
萬大有商量 2018/08/21

請君多多保重 ,健康快樂年年。

花姐
花姐 2018/08/21

為何離開,每天看你的文章,有共鳴的,也有是不懂的,不過在這裡交的博友,都使我有得著,也許離去是你覺得最好的選擇,亦希望很

快又在頭條網看你寫的文章,多多保重。

花姐