民怨所在
2018/05/17 16:13:34 網誌分類: 妖城故事
唔怕錯中錯
煽君去犯河
非我行不義
只係你太傻
自從大歸之後、市民對講府不滿一直保持在高水位之上、使得縣太爺嘅信譽得分每況愈下。政客抓緊機會團結起那群有怨氣嘅市民並加以煽惑、使得反字堆聲勢不斷壯大、並在社會上形成兩極矛盾、而自缺和講獨就是在這情況下冒出來嘅政治怪胎。現在嘅問題係、點解講府搞足廿年、民怨不減反加?究竟係無能、抑或無心?罪惡城嘅怨氣所在究竟又是啥?
有調查數字顯示、基層收入四至六成用來交租、迫得窮街坊稍減其它生活開支來遷就。然而、罪惡城生產總值穩步上揚優勢、但基層收入(在比例上而言)每況愈下。更弊加伙就係、本城生活成本長期穩據世界高水平、簡直可以用「餐搵、餐食、餐餐清」七個字來形容。在咁嘅情形下、這類窮街坊那裡有餘錢可以撥作儲備之用?否則、社會上就唔會響起全民退保嘅聲音啦!係嘛?!
事實上、市民之所以寧信政棍不信講府、無非在於一個「地」字。縣太爺呢頭話一地難求、嗰頭便將一幅又一幅土地以高價賣給發錢商建造豪宅。政棍反收地就係要加深人們對一地難求嘅印象、亦係要令到班無殼蝸牛坊認命。究竟這是甚麼意思呢?相信大家心中有數。當管治者嘅所作所為與普羅大眾所期盼嘅距離越來越遠時、即係話這個揸拂班子已經堅離矣!究竟係冇地、抑或係冇心呢?嗱、這就是民怨所在。
冇辦法、莫講話免費平台、即使收費嘅要改革、使用者亦惟有接受和適應。慢慢來吧!
今日第一次來很不習慣,我也覺得新不如舊!不知為何要改!