信的疑惑

信與不信也是信

若非行家請勿進

進門通往監房地

一字言之就是蠢

昨晚在榕樹頭聽三叔公講、涼爽奇之所以搞到身陷牢籠、無非在於一個「信」字。三叔公解釋、涼爽奇「信」罪惡城是可以透過他們的意願而獨立的。這個訊息是他在大教館學習時被反紅教頭扤入腦子裡面的。日子久了、便成為思維嘅一部份、想搣都搣唔甩、這就是洗腦吖嘛！當下嘅獨仔獨女大多數嘅情況都是這樣、一切歸功於大教館喎！由其是、當涼爽奇眼見揸拂堂對於戰中班搞手連碰都不敢碰、就更加放心去闖禍、否則怒火開年（怒開）亦不會狼胎到那個地步。三叔公還說、如果沒有揸拂堂包容、全城大教館戰線統一絕對冇咁容易。

嗱、莫講話涼爽奇掉進迷陣、就算係普羅街坊亦唔例外。怒開是在戰中兩年後爆發的、現在一眾暴徒陸續被判刑、但戰中一眾搞手依然逍遙法外。由其是那隻妖蜓到處散播講獨都唔止、還要搞那些甚麼驢洞計畫、瘋暈計畫出來操縱選舉、公然向法治挑戰。然而揸拂人唔止冇依法處理、仲要在防獨法加上封條、而去搞大鬆綁。咁搞法、搗亂本城嘅妖蜓便如虎添翼了！難怪連三叔公都問、我哋吓揸拂人究竟做緊乜嘢啦！由此可見、紅家雖然係本城宗主、但一切都不是紅家講過就算的。因為罪惡城擁有一件連紅家都不敢碰嘅法寶、那就是世界排名第三嘅金魚缸了！因為這個金魚缸內的魚是來自世界各地不同品種、並為本城帶來了大好風水、還帶挈罪惡城擠身於世界第三大嘅聚財中心。假如這缸水被搞渾的話、這個世界第三就會搬到別人家裡去。這就是紅家嘅忌諱、所以不得不投鼠忌器、在某些事情上裝起糊塗來。城中一眾反派亦睇中這點、否則老番憑乜嘢在本城搞屎棍、反派又何來膽量公然與老外勾結？如此種種、無非係由一個「信」產生出來。因為佢哋「信」紅家不敢為咗對付佢哋、而犧牲這個金魚缸的。