域 流亦詩
域 流亦詩
域 流亦詩

形象塑造

2018/06/27 15:11:29 網誌分類: 講人自講
27 Jun

讚美由來未必真

唯獨康莊任爾行

一輪變幻添矜貴

大家離地看繽紛

 

近日縣太爺上京面聖、拜會過七王爺罕靖之後便面見萬歲爺、並獲得萬歲爺稱讚了一句「罪惡城經濟發展是歷年之最強勁」之後、講古佬阿藍便馬開壇講古、佢話縣太爺只須一年光景就將這個本來烏煙瘴氣嘅罪惡城打理得立立令、並將朝廷撥款給罪惡城推行嘅(創科)項目都歸功於縣太爺。阿藍話「城中互片少咗而和諧多咗、妥協多咗、凝聚力和團結都就更多。衝破經濟單一化、讓新興產業落地開花、為經貿帶來更大發展空間。修補撕裂全憑大解、形勢改善勝在包容。」嗱、古仔就係咁聽、實際情況係點嘅、大家都應該感受得到的。

 

講開又講、這個看似不公平嘅世界其實是公平的。例如反紅的人一開口就是紅家不對、今次阿藍對縣太爺歌功頌德有讚冇彈亦是一面倒的、如果大家太認真就輸了!請回頭看看、自從大歸以來、有那一位縣太爺上京面聖時唔係受到稱讚嘅呢?答案是沒有。因腳痛下台嘅縣太爺、啱到連阿媽都唔認得嘅縣太爺、最乞反派憎嘅縣太爺、武功叻過武狀元嘅縣太爺、在京都面聖時全部都是大受讚賞的。萬歲爺稱讚地方官吏並不意味着佢哋表現好、而只係一種不明文習慣、目的是做給國民睇的。不過今次講古佬阿藍如此過譽縣太爺、分明係擘眼講瞎話、確能令到罪惡城街坊見識到何謂面上貼金。據另一位講古佬三叔公講:「社會上之所以少咗互片、是朝廷制止其中一派生事、好讓縣太爺取得更大空間去跟另一派妥協。有人利用朝廷撥款給本城搞創科項目嘅機會、將之演繹成為衝破經濟單一化。所謂經貿發展空間擴大、其實係朝廷大力推動大玩區經濟發展計畫所致的。」嗱、呢啲叫做各說各話、誰是誰非就由你來判斷吧!

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!