過山車
美股坐過山車,杜指一度大升285點,但早上10點半上高位之後,反覆下行,科技股與金融股大跌,美股單日轉向,杜指收跌165點,上下波幅高達450點。杜指跌幅 0.7%,納指跌幅 1.5%。
美股開市前期指本來下跌,但傳出特朗普政府對中國科技投資的打壓不如預期,所以美股早場大漲。早前傳出白宮會阻止中國股權佔 25% 或以上的公司,購買美國科技相關企業。但昨日美國政府官員話,政府會依靠美國的外國投資委員會 (CFIUS),處理有關外國購買美國敏感科技的問題。
美國政府宣布的措施,強度較本週初傳出的方案低很多,而且不特別針對中國,和美國國會一直討論的版本近似,減輕了全球貿易戰的憂慮。美國分析師說,情況並非原先想的嚴重,總統特朗普反覆無常,說完話,很快就變,或說的與做的也不一樣。
分析師說,美股仍將震盪,直到貿易的不確定性消退。儘管最近幾週,保護主義的威脅升高,但估計貿易限制,未影響全球經濟擴張。
科技股下跌,亞馬遜跌1.5%,谷歌母公司跌1.4%,Facebook和 Netflix都跌1%。另外金融股都唔得,多隻大股跌1%以上。
美股唔係無野升,能源股上升,原油價格擴大漲,支持了能源股。美國國務院下令從伊朗進口原油的企業,要在 11月前,全面停止進口伊朗原油,否則將面臨美國的強力制裁,這一期限不會再進行討論或延長。此外,美國官員話,美國計畫與中國、印度和土耳其政府進行商議,要求各國尋找其他原油供應替代者;美國還計畫與中東盟友進行商討,以保證國際市場原油供應充足。
伊朗現在每天出口250萬桶原油和凝析油,美國似乎要在數月之內砍掉伊朗所有石油出口。對於美方要求伊朗原油11月之前退出國際市場,伊朗石油官員回應表示,這是不可能的。
上週末油組(OPEC) 成員國與非成員國最後的協議是每日增產 100 萬桶原油,而好消息完全被伊朗制裁議題掩蓋。市場現存的每日 100 萬桶原油差額,似乎難以被其他生產國所填補。加拿大 Fort McMurray 每日 36 萬桶原油升級設備的持續關閉,而利比亞與委內瑞拉的國內政治動蕩,也都對原油生產造成負面影響。
美國期油貨收高 1.86 美元,大升2.6%,至每桶 72.39 美元,是3年高位。英國布倫特原油期貨亦升 1.17 美元,或 1.5% 至每桶 77.31 美元。現在大市在貿易戰陰雲影響下,無乜好炒,唯有炒油股和石油設備股了,它們是可以逢低吸納的股份。
陸羽仁
彈散彈散,彈完就散。
之前個個話調整, 跌咗3000點就個個開始講熊來了, 如果有些股友,跟足指示依家才追沽的話, 早段跌浪食唔倒,隨時被反彈浪挾親,小心為上。
2018-06-28
Dow Jones Industrial Average (^DJI)
24,216.05 +98.46 (+0.41%)
日本係
阿爺大力夾內房商賣樓
2018年06月29日
港股五窮六絕,創出今年低位,恒指喺期指結算日再插。港股再插,今次唔係賴中美貿易戰,而係話政府可能出一手樓空置稅,搞到人心有啲虛怯,下午有消息話空置稅通過咗行會,指數反而喺壞消息曝光下回升。
政府喺七一前通過一手樓空置稅當係交功課,消息傳咗好多日,市場本已經消化咗唔少。本來方案話會喺呢個星期二行會通過後宣佈,但因為林鄭臨時上咗北京見領導所以押後咗。昨日又傳由於股市跌得咁緊要,政府可能觀望吓,未必會咁快公佈。去到昨日下午,電子傳媒率先報道話行會已經拍板收稅,同時又將啲私樓地轉做資助房屋,在消息傳出同時,指數就轉跌為升,唔排除喺期指結算完,淡倉趁壞消息食胡計數。
林鄭三招 聊勝於無
睇番今次一手樓徵收辣招稅,由年初《財政預算案》公佈前喺行會打殘咗,依家樓價係咁升,政府先至通過,遲到好過無到。
有地產界話,依家收稅基準係用兩年租金作準,大約等如樓價4、5%,算係小辣。對嗰啲喜歡用唧牙膏方式賣樓的發展商影響較大,對喜歡用貨如輪轉方式賣樓嘅發展商影響較小。
昨日新地(016) 跌0.3%,恒基(012) 跌0.5%,就知道市場都唔覺得呢啲措施有好大影響。
大市係午後反彈,恒指收造28497,回升141點;國企指數收報10868,跌10點,成交1173億元。
大市雖然企穩,但內房股仍有沽壓,碧桂園(2007) 跌2.7%,收報12.4元;恒大(3333) 跌4.6%,收報18.42元;世貿房地產(813) 跌4.8%,收報19.24元;雅居樂(3383) 跌3.9%,報12.4。內房股下滑,表面同大市不明朗或人仔下跌有關,摸吓底其實有具體嘅政策因素係度發酵。
特區政府迫地產商賣樓,呢樣嘢其實同阿爺嘅政策不謀而合。呢排內房股跌得多,有知情大地產商講起,真正原因唔係乜嘢貿易戰、人仔貶值陰影,而係政策因素。
今年大陸樓價表面平靜,實際上係中央規限賣樓價,但上有政策,下有對策,內房商有人減慢推樓,有人用收裝修費等方式變相拉番高售價。中央有見樓價陰陰哋又有上升勢頭,於是再出招。呢啲招數其中之一,係減慢棚戶遷拆。
內地為咗改善社會居住環境,大力清拆類似香港寮屋的棚戶,過程中會對他們作出補償。
這些棚戶就成為置業購買力,阿爺出招就係叫停或減慢地方的棚戶拆遷,等內房商少咗班剛需客戶群,控制需求。
同一時間,中央發叫銀行收緊對內房商的信貸,特別係買地嘅資金,所以內房商近日資金鏈轉趨緊張,借錢息口急升。
阿爺透過兩面施壓,希望逼發展商加快買樓,可以講,阿爺逼內房商賣樓的招數,比特區政府仲要全面同大力。內房股近日跌得多,正係反映資金緊張同成本上升,再深層次啲就係有阿爺逼佢哋賣樓嘅因素。
爆冷股怡園老闆有來頭
呢排有隻創板股爆冷跑出,以「怡園酒莊」為品牌,位於山西的葡萄酒生產商怡園酒業(8146) ,掛牌翌日股價續升,曾飆升1.3倍,收造1.12元,升1.15倍。怡園葡萄酒除咗有一定知名度外,創辦人仲做過投資銀行,依家掛牌,果然係行家一出手,便知有沒有。
陸羽仁
.
日本係咪靠計黃牌出線?
呢屆世界盃,就算唔識睇波,因為咁戲劇性,當睇戲都好精彩
德國肉腸個個都係舊臣子,都拎過世界杯,無左對冠軍既渴望。同埋踢左成季球會賽事,身心疲累 希望巴西可以笑到最後
原來今日已經有蛋糕仔食,明日再食彈散啦
日日食彈散,幾時先有彈高食呢?
以為巴西有機會復仇,點知德國啤收工 ....
明:
國內現時為壓抑房價上升,收緊對發展商的信貸,搞到佢哋資金好緊張,逼佢哋將樓賣出去。
最近話暫停棚屋改造,亦都係減少,那些收到賠償的棚屋戶,去買新樓。
政策環境不利,加上大市下跌,所以來上,內房股就跌。
深圳控股本則冇大問題,當然打壓樓價,對他們的銷售有些影響。但估計影響不是太大,現價只是4.3倍市盈率,6.6厘息,可以長揸。
越秀房託本質和深圳控股不同,深圳控股是一間發展商,上落較大,越秀房託係房產信託,等於買樓,上落較少。
我一般不贊成溝貨,因為會有越溝越跌的痛苦。若手上已有很多內房股,不一定需要再增持。
大灣區樓市長線向好,主要是我覺得未來他們仍然可以維持較高的經濟增長,特別是珠江西部,長遠有較多新基建打通,長線可以睇好
將軍,咁應該仲有得跌
唉...彈散了...慘了...散戶...
貿易戰引發美元上升, 美債息回落, 人民幣出現下跌預期, 重唔明白這個局......
美元繼續走強
人民幣下跌預期, 引發內房, 內銀作出深度調整. 我們要小心人民幣未來的發展呢.
蛋散市 .....
淡倉由307坐到而家,繼續坐
彈完了,要散嗎?
將軍,五窮六絕七翻身?
呢個位先沽...
早呀各位~ 彈散市 搏 反彈 身手 要快
今日期指結算, 預計早市波動大, 淡友不論大戶散戶, 由315XX 食到283XX, 足足有3000多點, 昨晚早段美股V彈, 又係浸浸出口術, 新加坡港股黑期曾升300多點,以為港股今早會高開殺淡友,點知美股最後要倒跌收市。坊間股評人十有八九話港股未跌完, 口吻太統一, 小心期結後反高潮, 低位追沽要小心。