無良與無良

胡亂發脾氣

養成嘴放屁

放大不安全

博亂搶人氣

某新屋邨被指食水含鉛量超標、並在社會上鬧得沸沸騰騰。如此這般、縣府無端端成為眾矢之的。事隔數天、房車部長陳火頁終於企出來將事實真想告知街坊。據講、經水記調查發現是有人曾經私底下更換水管和水龍頭、才出現所謂含鉛超標情況。經過水記化驗過嘅食水樣本、全部都是合乎本城和世界衛生標準的。在四個鉛水戶之中、有兩戶食水已被證實是安全的、但有一戶拒絕水記人員入內抽取食水樣本、亦有人以其它理由使得水記人員無法在其單位抽取食水樣本化驗。總言之、問題就像忽然之間同時消失了一樣。嗱、呢單嘢分明係有人自己更捉蟲。點解有人打鑼打鼓般的把責任賴到講府頭上去的呢、吓？！

事情十分明顯、係有政客為求博出位、在未清楚事件嘅來龍去脈之前便急不及他的公開向縣府狂轟、並且在社輿論界引發起一輪圍攻講府嘅潮流。咁樣扤人食死貓、無論是對講府、以及那群務實地工作嘅水記公人來講、都係完全唔公道嘅。現在事情真相已經曝光、那些企圖將自己錯誤卸給縣府嘅鉛水戶個個扮無知、而那群驚死執輸行頭嘅政客亦全部作鳥獸散、就像啥也沒有發生過似的。大家都有眼睇、在這起件事之中、唔止管治當局在街坊眼中嘅形象受損、同時亦委屈了那群水記嘅公人。之但係、卻冇人肯企出來向縣府和公人講聲對唔住、以還人家一個公道。政客經常把「公平、公開、公正」掛在嘴邊、但其言行又係唔係咁一致嘅呢？相信大家都看見了！今日罪惡城街坊嘅開心指數之所以不住下滑、跟政治胡鬧不無關係的。政客博出位乜都敢死、因為錯咗都無須負責吖嘛！因此、在下奉勸各位街坊、當你下次投票之前不妨考慮一吓、以手中票將那些只懂嘩眾取寵而不擅於建設嘅參選人趕走吧！