美歐和緩
週三美股臨尾爆升，杜指升172點，收25414點，升幅0.7%；標普500指數升0.9%，納指升1.2%。
美國總統特朗普與歐盟領袖會面，討論關稅問題，昨日與歐盟委員會主席容克會晤。早前特朗普在Twitter上貼文，說「歐盟長久以來加諸美國關稅與貿易壁壘，如果不儘快撤除，將對他們所有進入美國的汽車徵收20％的關稅。」另外，有報道指白宮的顧問相信特朗普已計劃向價值大約2000億美元的進口汽車，加徵25%的關稅。而歐盟貿易專員Cecilia Malmstrom上週亦強硬回應，說美國如果真的實施關稅，將會「非常不幸」，並補充歐盟已經預備了一系列反制措施。
特朗普與歐洲講數，吉凶難料，投資者當然不感冒進，股市自然無運行啦。杜指昨日早段一度跌近130點。
其後市場不斷傳來特朗普說歐盟為了避免貿易戰，會作出讓步的消息，再加上有美國參議員表示國會將公佈一個可以推遲特朗普政府實行的任何汽車關稅的法案，該法案需求在實施開徵汽車關稅之前，國際貿易署需要提交一個關於進口汽車對於美國汽車工業的處境，以至美國的安全性的報告。美股從低位反彈，逐步收復失地。
到下午三時許，杜瓊斯公司引述歐盟的一名官員說，歐盟將增加美國黃豆的進口，並表示歐盟同意降低工業產品的關稅，美股即時爆升，杜指在半小時內抽高172點！美元指數亦隨著美股反彈而同步回軟，收市報94.36，較全日高位回落0.3%。
大市因為美歐可能傾得掂而升，不過，特朗普說話前言不對後語，又善於變卦，最後結果難料。
美股昨日除了電信股下跌之外，其餘的股類全線向上，當中以工業類股和科技股表現最好，分別漲1.3%和1.5%。幾大科技巨頭FANG齊升1.3%至1.9%。
不過，要留意的是，Facebook在收市後公布業績，第二季營收差過市場預期。Facebook CEO朱克伯格更預計，今年下半年公司整體營收增長將進一步收窄，第三和第四季度增長將出現高個位數的降幅。佢講完後股民瘋狂沽貨，FB在延長交易時段一度勁插24%，跌到你唔信，市值瞬間蒸發了1300億美元！估計美股明日開市，科技板塊以至整個美股會受到Facebook股價大跌拖累。
陸羽仁
袋鼠，you have a good weekend, too!
2018-07-26
Dow Jones Industrial Average (^DJI)
25,527.07 +112.97 (+0.44%)
沽恒生買中銀有得諗
2018年07月27日
港股連升四日後回軟，昨日跌番139點，大市上升尾段交投已經跟唔上，動力有啲唔夠，昨日成交只有813億，加上人民幣匯價波動，都形成不穩定因素，升勢無以為繼。
七月份就快過，呢個月市況動盪，唔見傳統的七月大翻身。喺波動市中，最威藍籌唔係新經濟股或地產股，而係好平實的恒生(011)
，昨日佢收報207.6元，逆市升0.7%。恒生股價攀升，最大誘因都係同美股有關，呢個月美股炒傳統股，市場憧憬銀行業績好，股價追落後，與科網股爭一日長短。香港銀行股之中，恒生被視為最穩陣之選，加上派息高，喺經濟擴張期受惠下，吸引避險資金流入。
投資東南亞形成估值窪地
銀行息口唔差，主要係盈利派息比率高，若然睇恒生市盈率同市帳率，佢都係銀行股之冠，分別達市盈率20.2倍同2.6倍。陸羽仁同銀行界猛人傾起本地銀行股，佢話本地銀行股滙控(005)
同渣打(2888) 
都比較國際化，盈利來源好唔同，業務同恒生最接近應該係中銀香港(2388) 
同大新銀行(2356) 
，後者規模相差好遠，不可比較。能夠直接比較應該係中銀香港，O依家中銀香港股價由高位42.15元，跌番落去昨日收市價37.8元，回調幅度有一成，佢市盈率唔夠13倍，息率有3.7厘，高過恒生的3.3厘，數字上中銀香港可以話係贏晒，咁究竟點解佢會跑得慢過恒生咁多呢？
銀行界猛人提供咗幾個理由，首先係恒生營運效率高，業績穩定，好多投資者只買不賣，當作收息，形成供求緊張；其次就同中銀香港近呢一年發展策略有關。由於中銀香港先後出售南商同集友兩間銀行，籌資用來發展東南亞業務。部份投資者擔心東南亞政經局勢不穩定，所以中銀估值雖然已經高過滙控等國際銀行(中銀香港市帳率1.65倍，滙控1.1倍)，但始終追唔到純係做香港業務的恒生(恒生市帳率2.6倍)。
對於中銀香港相比恒生估值折讓，猛人又點睇呢？佢話香港真係做銀行的寶地，環境之好舉世難尋，在此地做銀行好易賺錢，搞到台灣賺錢的銀行，其實只有香港業務有錢賺，而恒生業務穩定無可置疑，不足之處係集中香港，發展空間較細。外界對中銀香港發展東南亞生意有戒心，形成股價低水，用內地用語講叫做「估值窪地」，好大程度係源自不了解。雖然東南亞環境無香港咁平靜，但中銀香港在外地做生意的對象，主要係服務番中國人，譬如係內地國企或國企員工，所以對佢哋背景掌握好清楚，放貸風險唔係好似想像咁高，而且從估值睇，中銀香港估值低過恒生近半，等同東南亞業務係免費奉送。
聽完分析，咁O依家恒生升得多，中銀香港係咪有機會追落後，又或者係咪可以考慮沽恒生，買中銀換馬呢？猛人就話，買股呢啲嘢無絕對，有時都要講緣份，情人眼裏出西施，恒生估值貴，但有啲投資者貪佢穩定，唔會變心，亦唔排除短期內佢會強者愈強，繼續跑贏。如果從進取角度，恒生創咗新高，升極有限，中銀香港從估值同歷史股價睇，水位應該多啲，進取者就自己諗啦。
騰訊擺脫唔到弱勢
呢排人民幣匯價波動，對市況不無影響。人仔早上曾經反彈，但之後乏力回落，離岸人民幣下午跌幅擴大，一度急插超過400點子，低見6.795兌1美元，其後跌幅略為收窄。
陸羽仁
Kathleen，have a good weekend!
港鐵『屋漏兼逢連夜雨』(pun intended)，表面上已為硬件作出補救工作，實際上呢個明顯係制度上出現問題，先至係最需要維修。再睇番相關機構嘅表現，支吾以對；咁樣睇，近年港鐵嘅建築、車廂、供電設施等問題，只係香港各階層制度嘅縮影而已。
之前南生圍、港珠澳大橋啲新聞，大慨無乜人記得；而家港鐵同政府，可能都係等緊下一單大新聞…
有好似2008年嘅奇拿，去發掘另一單千人斬嚟幫幫政府及各個利益集團？
2018 SIGH
Sexyphone，袋鼠仲記得你9年前左右，你留言提及到，你同你家母買樓對話。幾感情深動吓
PS 抑或係十年前？
將軍偷步沽?
原來係 淡友學屠!
將軍，大軍俏俏進場？
大家好～
大戶真係扮升唔起引熊，秒殺完290熊就回😡
第二反彈目標已到☺️
大期開始減倉@29077+495點+18%😋
大期好倉繼續跟指示做😁
有胡要食唔好貪，再升減下磅就真🙏🙇♂️
將軍有冇做淡友學逃？
First