域 流亦詩
域 流亦詩
域 流亦詩

居屋價瘋狂

2018/07/31 15:55:50 網誌分類: 妖城故事
31 Jul

升升又升升

食完兼夾拎

睇見眼矎矎

聽落冷冰冰

 

早前、公家提出一藍子(未來)降低居屋售價計劃、宣傳工夫亦做到足。之但係、當下居屋價卻突破萬元一呎大關。咁即係話、公家給予嘅係遠水、當前燒着嘅係近火。呢鋪算唔算係大隻講呢?講真、大多數街坊都渴望盡速改善眼前居住環境、根本上唔想聽廢話。由本城大歸開始、每屆阿頭 “啱僧除外” 都顯示極關心基層街坊住屋問題、既有老古董提出嘅八萬五、亦有阿狼所講嘅重中重、但廿年已過還是口惠而實不至。試問怎能叫街坊去相信公家?問心嗰句、在今時今日人均收入算來、有能力出資千多萬去買一層樓嘅人、根本上冇須要公家津則。但是居屋呎價也賣到萬多元、而最近有報導指出乜山花園(居屋)呎價接近一萬九千元、簡直係人都癲啦!係嘛?難怪咁多人話、家陣嘅居屋政策係為着要晾起物業價格而設架啦!

 

坦白講、雖然阿頭話點樣點樣去調低居屋售價、又點樣點樣去延長出售居屋嘅年期、但這一切亦只能夠當古仔咁聽住先。眾所周知、居屋針對嘅買家本來係那些無資格申請公屋、亦無足夠銀兩去購買私家屋嘅夾心人、所以居屋絕對唔應該被放入自由物業主場買賣、即使要賣亦應該賣番畀公家、然後再由公家轉售給有須要人士。無奈公家似乎關心地產市場興旺、多於關心基層街坊利益。否則、又點會話地產市場一年比一年蓬勃、而基層街坊嘅眉頭就一年鎖得緊過一年?咪話我靠嚇、以目前形勢嚟睇、唔止會有樓宅泡沫爆破、亦會有死人冧樓嘅可能。家陣社會上有唔少學者和輿論界中人都看得出劏房嘅潛在危機係幾咁嚴重、但公家在這方面卻毫無作為、到底又應該作何解識呢?係唔係要親眼見到爆出個大頭佛出來才去鋪鑊呢?今日嘅街坊對於阿頭那套「口講無敵、做則無力」嘅爛騷早已生厭。因此、公家還是腳踏實地多做實事、少發噏風為妙!

回應 (2)
我要發表
域 流亦詩
域 流亦詩 2018/08/01 15:55:55 回覆
@蕪湘...

由2016年至今嘅兩年三個月內樓價飆升43%、真係發到連阿媽都唔認得。我話冇「景轟」睇怕冇乜人信咯!

蕪湘
蕪湘 2018/08/01 13:43:38 回覆

唉~! 收地又唔得; 填海又唔得; 郊野公園外圍又唔得,睇來神仙都無符了! 果班反對派都唔知係唔係同地產佬打攏通,使到個市有升無跌。星斗市民有排捱丫!

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!