齊齊做樣本試卷 浸大普通話豁免試究竟有幾難?
2018/01/29 12:15:54 網誌分類: 生活
浸大普通話豁免試分為三個考核部份,分別係朗讀、廣普對譯、說話。其中廣普對譯部份,要喺五句句子中,選出兩句符合普通話詞彙和語法規範嘅句子(見表)。小妹問過嚟自內地嘅大學生,佢覺得五句句子中只有一同三係符合普通話嘅規範,因為第二題嘅「手勢」、第四題嘅「煮菜」同第五題嘅「沒得頂」都唔啱普通話嘅規範,正確分別應該用「手藝」、「做飯」同「沒得說」先啱喎。
Kelly又請教過才子陶傑,佢就另有高見,佢覺得第四題完全符合規範,而第二題嘅「手勢」,雖然係廣東話,但近年「愈嚟愈OK」,被內地人所接受。佢認為,語言最重要嘅係雙方溝通到,當一啲偏向廣東話嘅詞語都逐漸被內地人所接納時,所謂規範嘅定義就變得模糊,「好似大陸人講飯店,我哋講酒店咁,邊個字先係規範啊?」所以佢形容出卷出得唔太專業喎!小妹想問吓浸大語文中心,但佢哋昨日放假,未能取得標準嘅答案。
Kelly Chu
■浸會大學部份學生要求取消普通話為畢業要求一事,早前發起「佔領」語文中心行動,鬧出大風波。
回應 (0)
我要發表