思歪是港毒罪魁？

你講我又講

人皆貪口爽

聽來真一樣

大話夾荒唐

自從港毒與外妓合演的鬧劇紅爆之後、置身在輿論風尖浪急之中嘅唔止係冧井、而且還有思歪。冧井雖然受到一些不太猛烈嘅負面批評、但思歪卻被人插到眼都花埋。據榕樹頭講壇三叔公講、最主要原因係前者面面俱圓、所以多貴人庇護、而後者擺出一副天殺孤星模樣、想唔做非洲和尚都難啦！注於係唔係思威親手將隱藏在大教館裡面嘅港毒挑出來、那就要由  2014 年那次戰中講起。早在  2011 年以袋鼠石為首嘅一群大教館教頭開始在教館界部署黃色革命、並由副教頭妖蜓充堂宣傳主任、跑到各級別教館宣傳其黃思理念和引帶出戰中訊息。換句話講、在貪箏當縣太爺時期、港毒已經係有計畫和有步驟的由大教館散發出來。只係當時嘅毒性比較溫和而矣！

自從戰中一役失敗之後、大金主終於意識到獨靠反盟老餅是沒有前景可言、於是委任大教頭袋鼠石為總設計師、並由副教頭妖蜓負責協調反盟幫派將大教館師徒送入議會、當中嘅饒重閹、螻小蟻、蘿半蔥、涼重痕、油位精、倒旗井、嘔鑊瘋等人皆是例證。其實有沒有思歪港毒都要走出館門闖入議會的。思歪眼見港毒入侵議會當然抓緊機會、在高人指點之下設咗個請君人甕然後續隻捉之局出來對付班毒友。由於思歪先挫反盟銳氣、繼而成功封殺港毒有功、朝廷曾經考慮過讓他冧莊一屆。可惜無論是城中嘅五世家、十三會、十八塞、抑或是藍營主流皆不支持思歪冧莊、結果朝廷委任獲得各界全力推薦嘅（表面思歪  2.0、實際係貪箏 2.0  ）冧井當第五任縣令。之但係、根據連日來、中央獻計組主管柳笑雞、政議會委員烏汗青、講馬廠主管雙料嗚等人陸續走出來明示暗示、催促縣太爺盡快把防毒法擺上台看來、朝延確實係有點不耐煩。但從縣大爺嘅強硬態勢看來、在下實在搞唔清楚發生緊乜嘢事。但據三叔公講、這是另一場大龍鳳。當我要求三叔公講清楚係乜嘢戲嚟嘅時候、佢只係叫我畀啲耐性慢慢睇落去便知曉喎！