特朗普不怕油價升?
中美國貿易戰一如預期地升級，環球股市結束第一波反彈後回吐。美國週一宣佈正式啟動對2000億美元中國貨品加徵10%，中國隨即啟動對600億美元的美國輸華貨品加徵5%至10%關稅，並表示退出應美國要求、原定於近日舉行的中美貿易談判。
另外，美國繼續對盟友加拿大施壓，美國貿易代表Robert Lighthizer表示將會與墨西哥達成北美自貿協議，但會踢加拿大出局，因為與後者傾唔埋欄，特朗普在聯合國大會上發表演說時加多一腳，話美國在貿易上「不再容忍受到欺淩」。美股即時由升轉跌，由原本上升73點，收市倒跌70點，收26492點，跌幅0.3%；標普500指數微跌0.1%；納指則反彈0.2%，重上8000點大關。
美國汽車股受美加貿易戰影響，昨日顯著受挫。福特汽車和通用汽車分別係加拿大汽車銷售冠軍和亞軍，去年就賣了超過61萬輛。美加貿易關係惡化，福特及通用首當其衝，股價隨著Robert Lighthizer的言論即時分別下插2.1%和3.5%！
保誠金融的首席市場策略師Quincy Krosby表示，特朗普在聯合國大會上的演說，就是一篇「美國優先」的演說，也為了他的中期選舉而發，並不表示「無得傾」，只是在加大美國的談判籌碼，這是他一貫的談判技倆。
標普500指數跌得比較少，主要靠能源股頂住。：布蘭特期油昨日升上81.5美元水平，刷新4年新高；而紐約期油亦突破72美元，昨日早上一度升上72.6美元，最新報71.9美元，盤中亦接近4年以來的高位。特朗普上週大罵油組(OPEC)將油價愈推愈高，對美國忘恩負義，直言要OPEC增產。油價當日有點回軟，但油價好快又回升。上週末OPEC及俄羅斯等其他產油國在阿爾及利亞開會，討論預期伊朗石油11月受美國制裁之後的產量問題。各大產油國沒有理睬特朗普的增產要求，並表示沒有為補充伊朗油供應減少提出建議（美國希望把伊朗石油出口降至零，要求其他石油出口國補足）。沙地石油部長更表示，OPEC不會提高產量，明年油價或升至100美元。此語一出，國際油價即時抽升。
有分析員認為，不要看特朗普大罵OPEC不斷推高油價，暗地裡他與沙地扯貓尾也未可知。油價上漲，特別是在美國中期選舉前，可能會加劇通脹，令到選民「唔合皮」，對他的選情不利，佢出口術鬧OPEC去交差，但油價升對於打擊中國這個對手，卻是一大利器，畢竟中國係全球最大的石油輸入國，油價大升，首當其衝的自然係中國，會增力中國企業成本，推升通脹。當年，美國就利用壓低油價去搞掂對手俄羅斯，不過，當年是壓低油價至不合理水平去整死以石油收入為主的俄羅斯。所以特朗普其實不怕油價升。
聯儲局昨日開始一連兩天的議息會議，由於市場已經預計聯儲局今天會議結束後會宣佈加息0.25厘，所以，聯儲局宣佈加息不會對股市造成衝擊。而市場比較關心的是聯儲局在會後的議息聲明，尋找未來加息步伐的線索。
要留意的是油價高升，通脹必然受壓，再加上美國大徵關稅，會帶來輸入式通脹，聯儲局加息的預期只增不減，另外，歐央行行長德拉吉日前表示，歐洲已現通脹壓力，央行明年有必要開始明確首次升息後的利率路徑，市場預計明年歐洲將開始收緊貨幣政策。據國際清算銀行(BIS)最新報告稱，隨著全球越來越多的主要央行開始撤出刺激政策並升息，金融市場有必要為較長時期的動盪做好準備。報告中指出，「在危機高峰期，全球債務過高，但如今債務比那時候還多。」國際清算銀行在報告中特別對新興市場的巨額美元和其他貨幣計價債務、以及加密貨幣和「僵屍」企業發出警告。所謂「僵屍」企業是指獲利不足以支付利息的企業，而土耳其是今年新興市場緊張形勢的焦點之一。
大市短期走勢是利好能源企業，利淡利息敏感股。
陸羽仁
車股等炒政策
2018年09月27日
港股假前急插454點，假後出現反彈，恒指一度升過500點，但市場觀望美國議息後聲明點講，下午有投資者計數，收市升317點。利率上調利好銀行業，幾隻大銀行股都跑贏大市，油股亦繼續受惠油價上升，向高位進發。
銀行石油股成雙引擎
美國呢兩日議息，預計將會調高息口0.25厘，香港呢次有機會跟加，成為本地利率喺金融海嘯後首度向上調升。銀行股繼續炒利口上調拉闊息差，幾隻大銀行都造好，滙控(005)
一度重上70元水平，收報69.65元，升0.7元。中銀香港(2388) 
股價相對落後，收報37.3元，升咗2.5%，幅度大過恒生(011) 
的1.2%。恒生股價係呢季表現神勇，但係創咗歷史新高開始慢咗落嚟。
另外，英國布蘭特期油繼續喺80美元以上挺進，三桶油表現向好，布蘭特期油噚日升上81.5美元水平，創四年新高。中石油(857)
受帶動急升4.9%，收報6.27元；中海油(883) 
升4.4%，收報14.84元；中石化(386) 
升2.4%，收報7.74元。大摩發表報告，指布油升至80美元以上水平，為2014年11月以來首次，預料市場將重估中海油估值。中海油股價曾升4至5%，基於中海油作為主打採油的上游企業，兼且控制成本能力強，相信隨著油價趨升，料市場會對中海油作出重估。大摩對中資石油股喜愛次序首先是中石油，第二是中海油，最三才是中石化，但中海油有重估優勢。石油設備及服務股同樣受惠於高油價，百勤油服(2178) 
升一成五，收報0.39元；巨濤海洋石油(3303) 
升超過一成，收報1.16元；MI能源(1555) 
宣佈，出售油氣勘探及開發業務給公司主席，涉及金額約2.5億美元(約19.6億港元)，股價暴升逾五成四，收報0.275元。
傳A股納富時指數
喺銀行同油股兩個引擎推動，加上傳聞富時羅素將在今日(27日)宣佈，將A股納入旗下指數，MSCI明晟亦考慮向市場諮詢，將A股指數比重由5%調高至20%，帶動A股向好。恒指一度重上28000關，飆升532點，高見28031點，收報27816點，急升317點；國企指數收報10985點，漲158點，成交1080億元。
喺加息同中美貿易戰下，除咗跟住大環境炒，另一個策略就係跟住中央招數去投資。中美角力無咁快搞掂，阿爺首要係穩定本身經濟，喺咁嘅環境下就會不斷出招，好似催谷基建，加大內需。O依家有可能成為中央力挺經濟招數之一，就係提振車市，呢排就有啲外資行開始研究阿爺喺呢方面點出招。
中央要增加同美國講數的籌碼，經濟上不能示人以弱，所以有可能利用減稅等措施去推動消費。樓市係中國第一大內需，但樓價上升會引起社會反應，無得谷，仲要壓；汽車消費係第二大內需市場，所以阿爺好大機會幫下車市。
今年汽車股表現麻麻，主要係經歷近兩年的大旺市，今年賣車數字在五、六月轉弱，汽車股順勢大力回吐。市場開始憧憬車股有可能成為政策受惠者，加上佢哋股價調整咁多，有機會借政策炒作，好以上半年比較弱的比亞迪(1211)
，過去兩日累升近3%，昨日升咗0.7元，收報55.4元。
昨日車股喺升市中表現唔係太突出，陸羽仁估計，一來係美國車股受美國同加拿大仲未能達成貿易協議大跌影響；二來係之前佢哋個別都炒咗一輪。個股方面，除咗比亞迪，好似吉利(173)
同廣汽(2238) 
呢類有自主品牌的股份會較為有利。廣汽過去一年高位為15.75元，早排插到去6.75元後反彈，昨日收報8.35元，跌咗0.04元，市盈率5.8倍，息率有5.5厘，股價看來已預計今年盈利同派息可能下調。如果想搵啲有政策炒的股份，可以吼位留意一下車股。
陸羽仁
中國減關税，係唔係
呢？
SIGH...
炒紅色股入MSCI，其實有啲嘥氣（短炒除外）。好似一兩實金可以有300幾兩期金，你哋好鐘意長揸嘅指數基金，好多時都唔係揸實股。MSCI加多啲紅色股，頂多係頭一浸入返少少實貨儲備做種，跟住就用啲數學模型配合衍生工具，就可以幾何倍數去製造指數基金ETF賣俾啲懶人投資者。
至於呢啲衍生工具ETF（嗰隻2823安碩A50係香港嘅老牌例子），同實股股價有乜互動影響，呢樣袋鼠未睇得明（之前留言已提及Modern IR網誌，講好多呢啲嘢），不過年頭一月尾炒大鑊時，可以睇得出啲數學模型好無撫用，連帶實股波動性亦大增。
最終都係花啲精神買啲實股會實際啲，但係邊隻紅色股價格合乎價值、有幾多紅色股係可以渡風浪，呢個係另一個故事。
28000有阻力
易發凌生發紅唔死，痕趾不如依家早Ｄ再上路啦
SIGH...
原來280有肥紅, 玩完
易發凌紅，上次死唔去，睇你今次仲有無咁好彩
SIGH...
將軍：大戶變面速度真快，真難估呢⋯⋯
林之兄: 勿慌. 子龍大軍沒有進場, 只是在學習呢.
將軍又入場？
將軍，真係夠哂波動
子龍大軍係咪進左場，今日股鵝無出力都升五舊 
升5舊, 跌5舊, 再升5舊. 波動是投機者的樂園......
玩多啲好😂😂😂
4舊! 玩野!
兵貴速，不貴久…
SIGH...
大市突破「阻力1」27,7xx，星期一差5點就要反手了，好彩😁😁😁
將軍，受教了。一切有為法 如夢幻泡影 如露亦如電 應作如是觀
kaka: 噢...應是上善若水. 勤對於投機者來說, 不一定是好事. 因為只要方向錯誤, 勤反而會走向極端. 投機者應向水學習. 無論處身何境況, 都可適應呢.
將軍，天道酬勤
kaka: 噢...早起的鳥兒才有蟲吃呢.
將軍，咁早起身睇市
各位早