講嘢講出禍
美股結束4連跌。杜指昨日中午一度大升172點，但午後逐步回順，收市升幅收窄至55點，收報26440點，升幅0.2%；標普500指數升0.3%，納指表現最好，升0.7%。
美股昨日反彈，主要功臣係科技股，標普500指數科技板塊升0.5%。FAANG等都有進賬，Facebook、Google及Netflix都升約1%；而蘋果公司及亞馬遜升約2%，主要係受到券商唱好刺激。
摩根大通上調蘋果公司至「超配」，預期蘋果的App Store、音樂及Apple Pay等服務業務如將為公司帶來強勁增長和現金流。摩通的分析師Samik Chatterjee昨日認為，蘋果正從一家硬件公司轉型至以服務為主的公司，速度超過市場的預計。Stifel則唱好亞馬遜，把亞馬遜的目標價大幅上調至2525美元，較上日收市價1974.85美元高出30%！亞馬遜昨日升1.9%，收2012.98美元，股價突破2000美元大關！
Stifel認為亞馬遜的股價近期受限於包括Prime、AWS、印度、物流、視頻內容及Alexa等多方面的投資，意味著發展成熟，將會帶來股價大爆炸。
不過，「同摭唔同柄」，買同屬科技股的特斯拉（Tesla）就喊得一句句。有「鋼鐵人」之稱的特斯拉老闆馬斯克8月時在Twitter發表有關公司會以每股420美元私有化的聲明。當時特斯拉一度抽高至387.46美元，大升超過一成。
其後馬斯克繼續發揮他的出位本色，一時公布在中國設廠，一時在公眾面前吸食大麻，又因為拯救泰國少年足球隊的英國潛水員安斯指特斯拉的潛水裝置不適用於救援行動而公開嘲諷他為「戀童癖」等，搞得股價大幅波動，在特斯拉股價創新高後一個月內大插35%至252美元，之後又反彈回300美元樓上，昨日收307.52美元，微跌0.7%。
昨日午後，彭博社引述美國曼哈頓聯邦法庭訴訟文件，話美國證監會指馬斯克有關私有化的言論，並無獲公司批准，缺乏依據，「簡而言之就是不真實」，決定就涉嫌誤導投資者起訴他。消息令到特斯拉在收市後的延長時段大插超過40美元至266美元水平，跌幅超過13%！原來講嘢會講出禍。
CNBC引述消息人士指，特斯拉公司本身暫時未列為被告，但不排除日後會被起訴。按美國法例，美國證監會可以對公司或其董事提出民事訴訟及罰款，更可以禁止公司高層擔任上市公司高層或董事。
科技股有炒作，對港股都有支持。
陸羽仁
2018-10-01
Dow Jones Industrial Average (^DJI)
26,651.21 +192.90 (+0.73%)
懸劍落下 調轉嚟炒
2018年10月02日
周一國慶中港無市，亞洲區日本股市升0.5%，區內股市狀況穩定。睇番放假前上周五恒指微升0.3%，收報27788點，外圍美股沒大上落。國慶假之後，港股踏入第四季，究竟大市走向會如何呢？
放假時與一班中環茶友吹水。過去半年，大市由33484點高位直插，跌到低位26219點，大跌7265點，大家心情自然比較差，都比較向淡。說到底，市場現時仍面對兩大不明朗因素︰第一是利息。美國連番加息後，香港銀行終於加息0.125厘，加息周期開始；第二是貿易戰，美國宣佈對2000億美元中國貨品加徵懲罰性關稅，以極端施壓的方式，要打到中國投降為止，這種情況過去從未見過。
反彈幅度 三到五成
見到大家心情這樣淡，我就做反派，提出一個相反議題，讓大家討論一下。自六月開始，大市破位向下，每次反彈，彈1000至1500點便玩完，股民趁反彈追入，都會「扮蟹」。然而，9月加息和美國制裁2000億美元中國貨後，會否有一個「炒相反」的可能呢？所謂「炒相反」，並非估大市會全面轉勢，而是恒指既然從高位大跌近7300點，「芬佬」要做好業績過年，如果來一個比較像樣的反彈，亦不足為奇。如果反彈跌幅的三分之一，恒指就會去28600點左右；反彈跌幅的一半的話，就會去到29800點左右。大市反彈三分之一，是一個弱勢反彈，彈完之後還可以進一步尋底，而28600點距離現價也只有800點，水位不算太多；如果返彈跌幅的一半，去到近30000點，這個反彈比較有力，時間會拖得比較長。問題是，會否彈得這麼多？
我在席間提出一個「懸劍落地理論」，股市都是炒預期，九月有兩大利淡因素，一是聯儲局加息，香港會跟加；二是特朗普的2000億美元制裁。現時兩個因素已經落實，短期未必會再有重大利淡因素出現。美國對中國2000億美元貨品加徵10%關稅，而不是一加就加25%，擺明是不想關稅影響美國聖誕節消費。換言之，在聖誕節之前，對美國經濟也好，中國進口貨品也罷，加稅都不會造成太大影響。至於明年一月開始，關稅增至25%，距離現時還比較遙遠，估計要去到12月後，進一步加關稅的壞消息，才會開始反映出來。另外，美國聯儲局11月開會，應該不會加息，目前市場估計有七成機會在12月加息，可以說市場已充份消化加息的負面影響。
換言之，除了特朗普還會噴噴口水外，未來一個月應該不會有新鮮而重大的利淡消息出籠。有中環茶友擔心，大市現時受特朗普噴口水左右，在11月美國中期選舉之前，特朗普還會大玩口水戰針對中國。我覺得這個擔憂不能夠排除，因為口水戰不費分文。
事實上，中國亦以牙還牙，例如在美國四個農業州份刊登全版廣告，訪問當地豆農，引述他們說特朗普發動貿易戰很愚蠢，好明顯是向美國的豆農反施壓，搞到特朗普指責中國干預美國的選舉。
轉玩伊朗 有利油價
特朗普如果對中國的口術升溫，很大機會將惹來中國的還擊，未必有利於他的選情。以目前狀況，特朗普藉着貿易戰打中國，去提振個人民望，已經得到成果，即使把嗓門放大一倍，恐怕也不會再撈到額外好處，反而去玩玩伊朗機會更大。當然，不能夠排除特朗普會再出口術，但估計不會在中期選舉前推出驚人政策。簡單的結論是，最終的壞消息雖然未出盡，但階段性的懸劍已經落下，令到市場有一定喘息機會。
大市反彈時間的長短，絕對會影響中短期的買股策略。近期有兩類股份比較強，一類是能源股。例如我一直看好的中海油(883)
，上周五收報15.5元，已經升穿52周新高。除了中海油之外，燃氣股亦不錯，例如昆侖能源(135) 
上周五收報9.11元，雖然略為回落，但仍接近52周高位。過去，我推介一位不經常進出股票的朋友月供股票，當中便有昆能，皆因油氣價有起有落，中國增加燃氣消費的大方向不會變。可惜昆能很不爭氣，今年曾兩度跌至6元多的低位，令到這位朋友「周身唔聚財」，她問我應否放棄月供。我說月供不看短期表現，而是看以年計的表現，短期起落可以不理，應該繼續供，股價低時買多些有利無害。誰知話口未完，昆能在8月時還在六元多低位，只用了一個多月時間，便創出一年新高。當然，股價上升亦與能源價格上升，公司業績改善有關。
總體而言，能源價格未來仍會再上升，因為特朗普聲言今年11月會制裁伊朗，限制其能源出口。雖然特朗普恐嚇油組(OPEC)，要她們增產以填補伊朗石油缺口，但油組並不同意，甚至有人懷疑，油組其實暗中與特朗普扯貓尾。美國選民關心油價，特朗普公開叫油組增產，只是讓選民順順氣。實際上，特朗普樂見油價向上，因為可以增加中國的通脹壓力，正好向中國施壓。特朗普背後有油商的影子，油價向上好向背後老闆交代。
無論如何，由於美國對伊朗制裁快將殺到，包括伊朗石油的大買家印度、日本和韓國，已經開始減少向伊朗買油，所以預計油價在未來的一、兩個月仍會向上，油股、油氣股和石油設備股仍有炒作空間。簡而言之，如果大市不會急跌，油氣股有能源價格向上的前景，手上有這些股份的話，不需要急於減持。如果你已經賺了很多，想食胡的話，也建議是分段食胡，不要一次沽清。我預計，美國11月正式啟動對伊朗的制裁的時候，好消息兌現了，才是這些股份短期見頂的時候。
加息不多 銀行摸頂
第二是銀行股。本地銀行股一直有些炒作，大家都在炒加息。例如恒生銀行(011)
上周五收報212.6元，跌0.4%，仍接近全年高位216.8元。只是看恒生的股價圖，麻麻地靚仔，有三頂的感覺，升到214至216元水平就回落。現時市場一直預計加息，但香港銀行只加0.125厘，加幅比想像中溫和，令人對本地銀行股有些戒心。我覺得銀行股短期內仍會試頂，但不會衝穿高位很多。所以，不適宜見到加息就追入銀行股，恐怕為時已晚，小心摸個小頂。
近期比較差的股份是內房股，例如中國海外(688)
，上周五收報24.5元，跌1.4%。中海外一年的高低位是22.5元至32.2元，就算是階段性高位，也在29元左右。短期而言，中海外不斷從高位回落，估計這一浪要落到23.5元左右。現時人人都看淡內房股，我反而覺得如果未來大市可以反彈到較高位置，例如30000點左右，即是大市還有一兩個月炒的話，內房股相當落後。
可以等內房股在這一、兩星期再跌深一些，酌量低撈，博在第四季炒一轉。內房股這次下跌，主要源於政策。阿爺想放水挺經濟，但又怕放水會推高樓價，事先推出大量措施打壓樓市。說到底，內房始終是中國第一大的內需項目，阿爺不想樓市升，也不會讓樓市跌。內地一線城市有發展商已經開始把房價調低兩、三成沽售，當阿爺見到樓市有崩潰苗頭時，相信會鬆鬆手，畢竟樓市大跌，會對經濟衝擊很大。現時是內房政策最壞的時候，估計遲些會好一些，例如碧桂園(2007)
上周五大跌5.3%至9.87元，比中國海外跌得更深。我覺得雖然短期內它不能排除會再跌，但現時已可以分段買入，現價買一些，等再跌10%再買一些，博內房股今年年底前會有一個似樣少少的反彈。
總括而言，你看上證指數已回升至2800點水平，就應該明白，當懸劍落下之後，阿爺要全面催谷經濟，甚至挺住股市來應對貿易戰，會對港股有一定的支持力。
陸羽仁
陸羽仁最近講油講得好密，無他，佢跟大隊睇好油價，由5月份等到依家快半年，一朝得志的確要講下，不過提醒返一件事，佢睇好油價時纽油在70水平，布油在77水平
我一直認為油市短期有供應危機，但中長期供應會微剩，而且短期供應危機因素其實很不確定的，9月剛過去伊朗油出口如之前所提剩下160~170萬，由6月下降8~90萬，如果由今年最高峰271萬計下降已超百萬，相信下降最高峰時期其實已經過去，而且距離11-05死線剩一個月，要退出的早就退出了，2015年伊朗解除制裁前，全球主要國家都在封鎖伊朗，當時伊朗油出口都能維持100萬，而現在在歐俄中等國家不協助下美國要將伊朗油出口降至0根本是不可能的任務
但為什麼在其他國家不合作下伊朗油出口依然大幅下滑？問題在於美元霸權，美國要制裁所有跟伊朗來往的企業，即使歐中願意輸入伊油亦無油輪公司願意載運，他們亦不願意使用美元以外貨幣來支付，短時間內各國無替代方案只好停止進口，但最近情況開始有轉變，第一：伊朗國有油輪公司已盡全力接替退出者載運出口油(運力達120~130萬)，第二：上周 德，法，英，中，俄，伊，宣布啟動獨立結算機制spv，以確保與伊貿易時不受美國單方制裁，詳細可參考以下
https://tw.mobi.yahoo.com/news/想威脅美元地位-歐盟藉伊朗制裁欲設立-spv歐元交易體系-042834640.html
由於美國單方退出伊核協議并短時間內恢復制裁，而各國油品交易長期依賴美元導致措手不及，但隨時間過去協議國已尋找出可行方案去維護協議，即使此機制未能即時起作用，但以目前情況伊朗應能維持13萬左右油出口，與前數月下降超百萬相比，下降空間已經不大，以上我基本維持之前對伊朗形勢的分析
另外油價此次上漲除伊朗外還有OPEC在上周議後未有提應對伊油缺口的方案，這幾天看到很多分析表示沙地會進一步減產油價會破百美元，其實我分析油價一直都以地緣政治為先供需為次，以中長期看我認為沙地不會願意看到油價大漲的，最近都忙這方面下次再講
280-283 有好多肥紅
股平樓貴難永續(大結局)
2018年xx月xx日 (xx:xx AM)
陸羽仁
金融High Tea——
股平樓貴難永續（下集）
2012-07-16
上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。
不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。
大戶操控詮釋權
股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。
上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823） 及工行（1398） 上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。
第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」
投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857） ，除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。
股神都要順勢買
又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211） ，結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。
投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。
第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。
這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。
散戶買股難長獱
當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。
前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。
第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。
有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。
靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。
陸羽仁
金融High Tea——股平樓貴難永續
2012-07-09
中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。
股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。
網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823） 及工行（1398） 的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988） 及中銀香港（2388） 才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」
沽樓買股受重創
「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」
他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」
「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。
第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？
若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。
第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。
長揸平貨是正道
第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。
第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。
最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。
陸羽仁
加息開始 穏陣無衰
2018年09月28日 (09:04 上午)
DLLM...
SIGH...
中原城市領先指數 CCL
(所有成份屋苑)
2018...
SIGH...
PS DLLM Space animal666...
SIGH...
小貓不懂投機, 只會在底位時買入内銀, 高位便沽出, 每次執5－10％, 每年走幾轉, 如果跌了唯有夏眠, 是絕對不會游裸泳的。
脷申：98％持有内銀清醒中。
人人等突破，睇嚟十月份將會有－次財褲大轉移了...到時邊個會無褲著呢？
SIGH...
TC 的想法都是 等...突破
毫無疑問，子龍同小貓都係睇升，可惜我身在不能上面書的國度，看不到TC主席的意向…DLLM
SIGH...
將軍，受教了。我估您係覺得會突破向上
但美元呢兩日重上返94，會唔會打亂您既佈局 
kaka: 噢......見你問到. 子龍的想法是---->突破.
將軍，受教了。睇黎您覺得十月會有波幅又有升/跌幅
kaka: 噢....這是過去幾個月的走勢....
大戶兄: 勿慌, 現在仍是9月......
將軍,
十月係咪蠱災月？
將軍，有波幅無升幅？
叮噹....半日大市升近2舊, 成交395億.
kaka: 噢......10月是很有趣的月份呢.
將軍，大市係十月點行您有咩想法？