Sabatini假日自助午餐 送限定魚子醬 2019/04/18 04:12:15 網誌分類: 生活 18 Apr 返工辛苦,Kelly一放假就去搵精緻美食獎賞自己,尤其鍾情意大利菜,所以經常去尖沙咀帝苑酒店嘅意大利餐廳Sabatini,享受佢哋嘅假日自助午餐,呢個復活節已經約咗朋友去食餐飽。酒店朋友話,主廚Claudio好有心思,特別喺意大利搜羅精美嘅西伯利亞魚子醬,每位客人獲贈一罐(10g),供應時間由明日起至本月二十二日(每日上午十一時半至下午兩時半),大家唔使飛去意大利,就可以品嚐超級美食。 Kelly覺得唔單止魚子醬吸引,其他菜式一樣令人流口水,好似矜貴黑松露炒蛋、牛肉他他、香煎鴨肝、意大利番茄水牛芝士多士,會每周輪流供應;主菜可以喺「烤牛仔肉配芥辣蜜糖」、「燒魷魚大蝦配檸檬汁」同「烤羊架配香草香辣蒜油」等五款之中任揀一款;最後兩日,即係二十一同二十二日仲有四人樂隊現場表演,真係好吸引啊! KellyChu 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消