颱風新名出爐「鴛鴦」具港特色

2019/06/13 04:12:18 網誌分類: 生活

13 Jun

        　　Kelly知道世界氣象組織轄下嘅颱風委員會，日前喺廣州舉行嘅第五十一屆會議，更新咗今年熱帶氣旋名單，而天文台噚日就公佈結果，今年新增三個比較特別嘅名，包括「山貓」、「鴛鴦」同「小犬」，取代「天鴿」、「啟德」同「天秤」，佢哋仲同小妹分享咗呢幾個名入選嘅原因，Kelly聽完之後都覺得啲名好有意思。

        　　天文台同Kelly講，其中兩個名「山貓」同「小犬」係由日本提出，分別代表天貓同小犬星座；而「鴛鴦」就係由香港提出，大家都知道鴛鴦係由茶同咖啡混合而成嘅飲品，鴛鴦呢個咁有香港本土特色嘅名，小妹就最鍾意，個名實在太有代表性，諗起都想歎番杯。

        　　小妹其實都唔知點解要更新名單，佢哋就話呢個係慣例，颱風委員會會考慮將造成重大人命傷亡同經濟損失嘅熱帶氣旋除名，唔知下次會改乜嘢名呢，大家有時間都可以發揮小宇宙諗吓㗎！

        Kelly Chu