joboche1
joboche1
joboche1

比腐蝕液體濺傷嘅女仔

2019/07/02 00:40:51 網誌分類: 齋_TALK_廣東話
02 Jul

今晚某位朋友同西風講,用腐蝕性液體其中之一嘅女仔自作自受,濺到呢種液體而受傷!當救護人員幫佢療傷時,喺度鬼殺咁嘈,連警察都鬧埋。朋友問西風點睇?西風只喺苦笑一下,對呢位女仔嘅表現深感失望:

1.佢同佢班成員認為將腐蝕性液體淋向警員,導致十三名警員受傷就覺得喺啱,而家切膚之痛底下,比自己淋傷自己,仲可以怨邊個?橫掂佢想出位做女英雄,而家求仁得仁,好應該甘心且高調承受,點解鬼殺咁嘈?

2.警員都有亞媽生,都喺人哋媽咪嘅心肝寶貝!點解你咁心狠手辣,用腐蝕性液體對付人哋?而家自己整親自己仲唔識反省,唔通個腦生喺籮柚到咁唔開明同閉塞?

3.只知有己,不知有人,喺屬於絕對自私嘅動物!唔通只有你可以有霸權嚟傷害人哋就得,比自己整親就可以事無忌憚咁怨呢個鬧嗰個?請問你喺乜水呀?

4.只憑一己之喜惡,口聽一面之流言,只恃一時之意氣,只行一刻之陰毒,到後來喺身體留低疤痕!縱使用錢去植皮,亦洗擦唔到內心深處嘅陰影陪伴終身,真喺何苦?

5.西風希望你能夠吸取教訓,留一線比人哋行,留後路比自己走,唔好趕盡殺絕自以為是!凡事都可以磋商妥協,唔一定要訴諸暴力!就以腐蝕性液體一事嚟睇,可謂害人終害己!呢個情形,你一早預先估到自己整傷自己嗎?

最後,西風衷心祝你早日好番!

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}