如果喺你得唔得先？4

今日睇到報紙頭條標明一班反特區政府嘅惡勢力鼓吹十八區個別遊行示威，形式將會同佔中一樣癱瘓香港嚟洩憤。到時全港無論喺經濟抑或喺民生都會受到重創，而呢班惡勢力不但可以完成外國黑金金主嘅囑託整lum香港，仲可以大條道理將責任嚟扣特區政府嘅帽子。正一狼子野心，死不足惜。

特區政府如同媬姆，港民如同仔女，中國如同親生父母，特區如同屋企！由於親生父母唔喺仔女身邊，所以就派出媬姆暫時代為照顧仔女嘅起居同衣食住行，兼埋打理屋企，以便成為適合仔女安居嘅環境！點知仔女比人煽動，做出打壓媬姆，破壞屋企，忤逆父母嘅行為，辰時卯時攪小動作發晦氣，表示要篡權奪位自己話晒事！

正所謂唔當家唔知米貴！身為父母要平衡各方面開支，又要顧及用喺仔女身上嘅資源，更要有計劃咁放眼未來嘅視野下作出長遠規劃！點知班仔女冇腦，讀書讀到懵上心口，對屋企從冇付出過任何嘢，對父母從未體諒，對媬姆從未尊重，只識得飯來張口錢來伸手！不但只冇感恩，仲將自己低b膚淺嘅個人私見亂咁迷惑人心，郁啲發脾氣攪破壞聚眾鬧事，咁嘅無理要求以不法手段逼人啞忍接受【如果喺你得唔得先】？

據西風聽番嚟嘅消息，大部份參與者想和平示威，點不知比一小撮黑衣人士帶頭衝擊警方防線，意圖制造被警方打壓下至用武力對抗，務求達到出現流血事件！呢班黑勢力鼓吹行動升級禍及全港十八區，咁樣仲唔認喺經特別訓練同謀劃好耐都冇人信！最後，身為父母嘅你或妳認同暴民反父母反媬姆反屋企喺啱嘅，咁佢哋攪到家無寧日家醜外揚可以接受嘛？【如果喺你得唔得先】？如果仔女對你或妳哋忤逆而你哋都認同佢哋喺啱，又唔怕佢哋比天收比雷辟，西風就話你哋叻！