點首歌比你聽1

喺[中文經典金典]入面，有一首西風鍾意到入心入肺嘅金曲推介比而家新一代聽，領略吓由盧國沾先生填寫嘅[每當變幻時]！呢首歌既然稱得上[經典]呢兩個字，除咗好聽嘅旋律外，詞入面嘅警世意境，豁達嘅情懷，透過男女感情，襯托陰晴更迭，將[變幻]闡釋得淋漓盡致：既無奈，卻是永恒！

就好似今日嘅你，唔同尋日嘅你！同樣哋，前一分鐘嘅你，唔同而家呢一分鐘嘅你！呢種所謂[唔同]，喺因為被推移被替代而產生嘅種種變化！最大問題喺我哋對呢啲種種變化感到無能為力，極其量做到珍惜，但唔可以留住，因為變化咗就喺變化咗！種種變化，換嚟嘅只有開心或唔開心嘅記憶片段？

[變幻]是宇宙運行嘅法則，新嘅人事物取代舊有嘅喺必然。所謂[推陳出新]；所謂[破舊立新]；除咗有前瞻嘅目光，仲要有接受嘅量度，更要有犧牲嘅精神。對某啲成見要識得放下；對變幻所帶嚟嘅衝擊同埋副作用要識得容忍；對自己不利卻有益於後代要識得制衡。

想當年，第一條地鐵站動工時，帶比路面佈滿沙塵，交通到處擠塞，上下班上下課都被阻咗唔少時間，地舖生意受到嚴重影響。但喺當時面對諸多不便嘅市民，縱然有某部份不滿生活被打亂，冇話聚眾示威遊行，反而仍然默默耕耘緊守自己崗位，時至今日全港九新界滿佈地鐵支線。

當年種種不便不利不對不滿，經過默默耕耘，到咗而家全面變成有利，更帶比全港七百幾萬人上下班上下課快捷方便。當年我哋一班爺爺公公輩嘅承受力咁強大，冇理由身為佢哋嘅子子孫孫輩嘅承受力咁弱雞！？

[每當變幻時]，我哋可能被逼接受一啲從未接受過，或自以為冇可能唔可以接受嘅全新人事物。其實，接受喺要有一定過硬條件同見地先至睇到人哋睇唔到嘅前景，忍到人哋忍唔到嘅犧牲同衝擊！何況，新一代比上兩代更有高等嘅教育程度，有乜可能及唔上上兩代？事在人為！！真正獅子山下精神孕育出嚟嘅香港新一代，一定會青出於藍而勝於藍，而且仲喺奉公守法謙恭有禮添！西風對你哋同妳哋有信心！！！