點首歌比你聽5

睇到近年香港狀況，怨聲四起，暴亂不斷，更有甚者有人仲話[我唔喺中國人]，[來生不做中國人]同埋[來生不做香港人]！類似呢啲不知所謂嘅話語，令西風深感惋惜。佢哋唔知自己做梗乜，更唔接受香港喺屬於中國嘅歷史事實。只記恨八九民運六四屠殺事件，唔記得當年八國聯軍殘殺同胞，強搶以兆億計嘅黃金白銀白玉古董。所以，今日西風推介嘅[中文經典金曲]其中嘅[火燒圓明園]！

呢首歌詞以沉痛嘅詞彙嚟表達國恥難忘，八國賊兵來犯積弱嘅中國，如今著住筆挺嘅西裝嚟公開拍賣當年強搶番嚟嘅賊贜，點解香港人唔集中聲討？全球華人唔會發聲反對？反而因為特區政策問題群魔亂舞擾亂安寜？以香港特區接任年期，比唔上英國統治下嘅殖民地年期咁長，呢班新一代希望仍然受英國治下成為二等公民，願意做亡國奴，仲要周圍揾外國勢力支持。冇稔到外國有動蕩導致暴亂流血事件時，比唔比你哋干預？會唔會聽你哋嘅勸由得暴亂持續？

講到呢度，西風有以下愚見：

1.忘記中國受八國聯軍摧殘嘅史實鐵證，香港人依戀外國勢力，願受外國統治，屬於不智；

2.為洩憤擾亂香港安寜，傷害港人目前及未來利益，並障礙國家主導香港權，屬於不仁；

3.見事不明又冇既定立場，憑個人意氣兼受人煽動下盲目訴諸武力，屬於無勇；

4.唔能夠從整體世情，大體國情出發匡扶穩定，郁下都亂嚟，屬於無禮；

5.掛大仁大義口號，做不仁不義嘅舉動，屬於無義；

6.某部份大學生借政府錢入讀大學，卻盲目反對衝擊政府，屬於忘恩；

7.口話和平示威，但做埋嘅全部喺暴亂行為，屬於無信；

8.香港屬於中國版圖，仲要大言不慚話【重奪香港】，屬於強[盜]；

9.特區點唔啱都好，總會有啱嘅地方，而呢班示威者以偏執特區弱點嚟無限放大，藉此欺凌政府，屬於冇腦；

10.恃住有外國勢力撐兼有退路，有外國國籍嗰啲就隨時鬆人，置父母於不顧，屬於不孝。

凡此種種不一而足！西風深信呢班不明事理嘅示威者唔妥執政黨，就連中國都嫌棄埋，先至會聯群結隊咁反中國反執政黨反特區。當然，人人都有自己嘅理由嚟行使反對嘅權利，但唔好唔記得要為自己嘅選擇埋單找數！

西風最怕呢張單喺呢班示威者找唔起咩唔嚟！