點首歌比你聽6

已故嘅樂壇天之驕子，我哋最錫最錫嘅哥哥張國榮曾經唱過一首[迷路]嘅歌，喺鄭國江老師填嘅詞! 西風覺得呢首詞嘅頭幾句好有深度同別具哲學味道，所以想推介比而家新一代聽吓：天意猜錯誰可補？一切遭遇誰擺佈？人生果真有定數，太是殘酷，太是殘酷..... 

人可唔可以一生都行覺路正路而唔行迷路邪路？人可唔可以擔保自己一生都喺啱而唔會錯？人可唔可以永遠嘅循規蹈矩而唔行差踏錯？相信除咗聖人賢人之外，我哋呢一班凡夫俗子唔使旨意唔稔錯嘢講錯嘢做錯嘢！當自己

1.稔錯嘢：將自己鍾意同唔鍾意喺腦入面自行分別取捨同針對；

2.講錯嘢：啱自己而唔啱人哋就出口偏幫，啱人哋而唔啱自己就出口打擊；

3.做錯嘢：因為意念帶動行為，加上相嗌唔好口之下，繼而大打出手；

就想將錯嘅作種種解釋辯駁藉口嚟望人接受原諒。相反人哋嘅錯不但冇得原諒，仲要窮追猛打，務求致對方於死地，冇得東山再起為止至收手！可見人某程度喺幾咁自私同雙重標準：我得你唔得！

[迷路]提到天意，就唔輪到人意話事，鍾意反對就反對，鍾意亂嚟就亂嚟，鍾意衝擊就衝擊，鍾意暴動就暴動！以上種種同[天意]唱反調，唧喺逆天而行，後果喺要遭受天譴架！

以目前香港一班示威者反中央反特區反政策，真喺冇外國政治目的咩？西風就唔信啦！之不過呢班有高等教育程度嘅示威者大部份喺冇腦嘅蠢才，所謂[精人出口，笨人出手]，你哋入晒觸犯刑事嘅黑名單，唔通外國會照單全收比呢批示威群眾移民？唔好想創個心，發埋啲英雄夢移民夢，西風相信冇一個國家會招呼吸納示威發起人入籍，唔怕呢啲攪屎棍去度邊就攪臭到邊？

講到天意，西風唔得唔提到中央執政黨！首先，西風要聲明以下所講嘅，並唔喺要偏幫現任執政黨；西風對佢哋嘅所作所為喺某部份持相反意見，喺有現任執政人員嘅手法有偏差至造成而家比人投以唔接納唔信任嘅局面。以下西風想講嘅喺於1934年1月29同30呢兩日，香港蓬灜仙館開乩，諸葛臥龍先生兩晚到壇批示一篇全球局勢，其中有兩句：【紅日落完白日落，五星燦爛文明國】！

【當中嘅紅日喺指侵華嘅日本國徽，白日喺指國民黨嘅青天白日旗旗徽，呢個[落]字喺指退出中國，五星喺指共產黨嘅五星旗嘅旗徽，燦爛喺指日漸興盛繁榮，文明國指五千年來一貫傳統文化嘅古文明國家- 中國】！以西風個人嘅愚見認為，呢篇乩文距離而家85年長，現任執政喺上天揀選，暫時治理中國，我哋好應該比啲耐性以觀後效！

現任執政黨喺天意所選，如果佢哋倒行逆施，妄顧民生，西風深信上天會比我哋意外驚喜去取替佢哋！如果佢哋符合民生，只不過示威群中有部份人以人意去測度及反對，相信效果好少好微。人意點鬥得過天意？

讀者如有興趣，可以喺網上搜尋呢篇乩文作下參考！