屈臣氏零售學院培訓專業人才

2018/04/06 08:41:03 網誌分類: 生活

06 Apr

        香港首間零售學院面世啦！屈臣氏集團宣佈成立「屈臣氏集團零售學院」，帶動新零售時代嘅發展啊！

        屈臣氏集團上周舉辦「屈臣氏集團零售學院成立暨資歷架構認可資歷頒授典禮」，超過一百二十位屈臣氏集團嘅員工獲頒授資歷架構認可第四及第五級資歷，肯定佢哋所付出嘅努力。

        集團喺前年同理工大學一齊發展首屆「零售管理專業文憑（資歷架構第五級）」課程，成為香港首間營辦屬資歷架構第五級課程嘅公司，呢個課程同時係香港首個根據零售業《能力標準說明》而設計嘅資歷架構第五級課程。喺資歷架構嘅框架下，第五級課程係等同本地學士學位程度嘅資歷。

        屈臣氏集團董事總經理黎啟明話，期望透過成立零售業界首間零售學院，進一步推動香港零售業界嘅專業人才培訓及持續人才發展。

        KellyChu