岳少讚饒公憶「潮汕四寶」
2018/04/05 08:41:03
網誌分類:
生活
| 國學大師饒宗頤離世近兩個月，香港潮屬社團總會昨舉辦追思會，好多名人出席，總會監事會主席林建岳致辭話，父親林百欣、總會創會主席陳偉南、已故潮州元老莊世平同饒公被大家稱為「潮汕四寶」，昔日四人經常聚會，結伴支持各類社會公益活動，仲時常談論點樣支援潮汕家鄉！ 昨天多位名人出席饒公嘅追思會，包括前中大校長劉遵義、新世界執董紀文鳳，仲有饒公兩個女兒饒清芬、饒清綺。林建岳分享時話，來自潮州嘅饒公、林百欣、莊世平、陳偉南被稱為「潮汕四寶」，四人好老友，每月見一兩次面，喺長沙灣麗新辦公室聚會時，四人不愛大魚大肉，反而簡簡單單，只食三道菜，分別係一碟芋頭、一碟清菜同一條魚，追求健康同清淡，食得開心，而話題離唔開支援潮汕家鄉、壯大愛國社團、服務香港等，又會結伴參加敬老、教育、慈善活動等。各人仰慕饒公嘅高風亮節，全力推動成立「香港大學饒宗頤學術館」，林百欣仲帶頭捐款支持。 林建岳仲話，佢自細好崇拜饒公，覺得饒公係潮人嘅驕傲，為潮人作出好大貢獻，令世界各地不同族群嘅人士了解潮州文化。 KellyChu |
 | |
| |
 | |
|
回應
(0)
我要發表