太陽快些出來就好了

對於我這種敏感性強的人，快被潮濕天氣悶到憂鬱症了，日日地下濕漉漉，如街市般，好惡頂，加埋洗了的衣物都唔乾，只有開暖爐焗乾，每年的二，三月，最最討厭，寧可乾凍都唔要濕冷，經過診所，人氣十足，醫生真的做到唔停，病人荷包縮水，醫生就滿載而歸。街上人頭湧湧，辦年貨，想行快些都唔得，因咩咁緊張，為了新年，搞到神經兮兮，外出團拜就方便，大家約定酒樓開餐，又食又吹水，唔使自己煮，善後工作，一舉兩得，也許很多人都不適應孤獨生活，總喜歡人多，趁墟才有樂趣。童年過年就要跟母親去親友家拜年，即使萬二分不願意，都唔敢說不，去到只有呆坐，睇住大人講話，自己卻無聊透頂，好不容易拜年完畢返家，點知又有親戚上門拜年，想安靜一下都不可以，直至初七才告一段落，都唔知為乜。

所以自己可話事時，就把這些擾人的節日，盡量簡化，千萬不要煩我，有咁多傳訊息平台，好好利用，把祝福經這些平台送出，既能表達心意，又省下互相拜年的活動，我最贊成的。