KellyChu - 職安局聯理大研究 3款清涼用品減工友中暑 | Executive日記

　　即將踏入炎炎夏日，工友開工點樣最消暑？職業安全健康局聯同香港理工大學康復治療科學系進行咗一個防暑清涼用品研究，發現冰涼背心、冰涼頸巾及便攜風扇，有效減低工友中暑風險，其中冰涼背心嘅整體效果最為理想，以5分為滿分，有4.75分。

　　有關研究喺去年8月展開，首階段透過市場調查收集近180名前線工友意見，結果顯示佢哋對冰涼頸巾、PCM冰環、冰涼背心及便攜風扇嘅滿意度較高。

　　第二階段邀請咗30位年齡介乎19至35歲嘅參加者，佩戴以上4款清涼用品，並進入暑熱指數約30嘅模擬氣候室工作，結果發現冰涼背心嘅表現較為突出，能有效減輕生理負擔及辛苦程度，惟冰涼背心相對較重，冇咁方便易用。其次為冰涼頸巾及便攜風扇，都有4分以上。

KellyChu