煮到嚟就食
2024/07/06 13:58:24
網誌分類:
生活
最近天氣真熱得交關.可是這麼熱.有些長者還說濕重.混身酸痛？真不明所以？
而我就係混身酸痛、最要命的是左膝一直都關節痛.以經夠辛苦.最近連右膝都痛.每次坐低起身一運力都痛.食左強力消炎藥還是痛.習慣早上落樓下平台做些簡單運動.今早依然有去.有個相熟街坊可能看見我蟻爛咁既腳步嚟步行.就問我為什麼？我告訴她因為倆隻腳都痛.為以後日子擔心.她安慰我說:煮到嚟就食啦.跟著我們就各有各做運動.
個心想煮到嚟就食？她顯然是安慰我.但？對我傷痛固然冇咩幫助.而且令我覺得有D奇奇怪怪.想唔明這句說話用來安慰我是否適當。你哋覺得呢？
哈哈，不用煮，都有得吃。
為什麼？
買外賣。
謝謝你啦.我都知道煮到嚟就食.冇乜鼓勵性.止不過是隨口嗡當祕笈.
希望我倆身體健康.健步如飛.
淺雪，大家都是長者年紀，你的痛我身同感受，話說上兩星期，我也如你描述狀況，左腳起身沒以前快，要稍等，於是拖了一陣子，無起色，就睇家庭醫生 未睇過的，行開美孚，見有醫生還應診，醫生說食消炎藥就好，沒大問題，500蚊，藥不多，一隻消炎，一隻胃藥，我姐也偶會這樣，叫拍張相比佢，作後備用，她說佢睇醫生都有開，去藥房配，一蚊一粒，嘩!真係發呢！煮到黎就食，意思是負面，沒有鼓勵性，只是堅強面對，你都是膝蓋退化，又真係沒太大幫助，靠食消炎藥，再嚴重交比骨科醫生處理，要否做手術，坊間藥房都有很多強化關節補健藥，試食下，看有改良否，我食了2 日 大至問題解決了，沒痛，還是比以前差些少，都算幸運，祝淺雪早日康復，健步如飛。
看到留言就好.謝謝你
謝謝wongi.真有心.
再次多謝你的星星
唔知道啊！
只知道送上星星，讓淺雪繼續有亮麗的心情，與我們分享生活點滴
留言是看到的，多謝妳！
痛真令人苦腦.令人意志力薄弱.令人抑鬱.