陸羽仁
陸羽仁
陸羽仁

貨幣戰

2019/08/06 08:26:37 網誌分類: 經濟
06 Aug

中美貿易戰升級,阿爺還擊,人民幣破七,停買美國大豆,全球股市再插,無巧不成話,美股杜指跟足港股恆指大插767點,收報25717點,跌幅2.9%;標普500指數大插3%,收2844點;納指仲肉酸,連跌5日之後,昨日再大跌3.5%,收報7726點,6日累跌7.4%

標普500指數11個板塊全部見紅,當中亦以科技板塊跌得最慘,勁跌超過4%5大龍頭股FAANG,蘋果跌得最勁,跌5.2%Facebook3.9%;亞馬遜跌3.2%NetflixGoogle 母公司Alphabet齊跌3.5%。美國少不免會加強對華為的制裁,美國晶片股當然無運行啦,其中Intel3.5%AMD和美光科技齊插4.9%,拖累標普半導體ETF大插4.5%,在過去5個交易日,累跌超過9%

中美在731日重開貿易談判,雙方在會後都表示會談有「建設性」,但就在翌日,美國總統特朗普就在Twitter以中國未有向美國採購了大豆等農產品以由,說將於91日對額外的3000億美元中國貨品關稅。但據中國發改委負責人稱,中美兩國元首在G20峰會會面後至7月底,已有227萬噸美國大豆新裝船運往中國,預計8月份還會有200萬噸大豆裝船,雙方企業已簽協議的1400萬噸大豆,餘下的30萬噸,9月份會裝船。國家發改委黨組成員、秘書長叢亮解釋,對對於部分農產品暫未成交的問題,以乙醇為例,按美國出口商報價,排除反制301調查加征的25%關稅後,進口完稅成本仍比國內市場價格高出30%多,根本賣不出去,所以就卡在那裡。可以說,中國並非沒有進口美國農產品,只係數量未如特朗普的預期。

特朗普以極限施壓,逼對手就範的使用談判手法,今次似乎踢著了石頭。人民幣匯價昨日明顯下插,離岸人民幣兌美元昨日由6.979急抽而上,直跌至7.1105,兌美元狂貶1315點子,係自2008年以來首次兌美元跌破7算心理大關。

另外,阿爺已要求國企暫停向美國購買農產品,以觀望中美貿易談判發展情況。

對於人民幣狂貶,特朗普則在Twitter上指責中國在「操縱貨幣」,並問聯儲局:「你聽到了嗎?」暗示聯儲局要減息回應。美國隨後宣布中國是匯率操縱國,兩國矛盾再度升溫,將戰場擴展至貨幣。

Bannockburn Global Forex的首席市場策略師Marc Chandler認為:「這是中國發出的最大的信號,中國人已經對與美國達成貿易協議失去信心。不過,直到目前為止,他們仍願意與特朗普繼續玩這個遊戲。」

摩根士丹利昨日發了一個悲觀的報告,值得注意。大摩首席經濟學家Chetan Ahya預期,若美國在未來四至六個月內持續對中國貨品提高關稅,例如對所有中國貨品皆加徵25%關稅,而北京也予以反制,全球經濟將在三季陷入衰退。

Chetan Ahya表示,特朗普表示將對中國實施新一輪的加徵關稅的舉動,已導致衰退風險急劇升高,因為這輪加徵的貨品約三分之二是消費品,比之前加徵的項目對美國經濟有更深遠的影響,「貿易緊張情勢已將企業信心及全球成長推落至多年低點」。

他警告,聯儲局及歐洲央行在內的全球央行,將透過額外的貨幣政策支撐經濟,但這只能控制經濟下滑的風險,無法促成經濟復甦,除非貿易政策的不確定性消散。

中美對抗將促使港股在下跌,但短期跌幅已大,追跌有遇上反彈的風險。

陸羽仁

回應 (28)
我要發表
animal666
animal666 2019/08/07 08:09:44 回覆

又話中美貿易談判傾好9成?

2028...

SIGH...

kathleen
kathleen 2019/08/07 07:16:03 回覆

2019-08-06

Dow Jones Industrial Average (^DJI) 

26,029.52 +311.78 (+1.21%)

前收市價 25,717.70
開市 25,810.60
成交量 322,972,533
今日波幅 25,710.87 - 26,038.68
52 週波幅 21,712.53 - 27,398.68
平均成交量 271,967,656
動物666
動物666 2019/08/07 03:10:12 回覆
大笨袋鼠
大笨袋鼠 2019/08/07 00:12:44 回覆

獸人bro,無大台、無得擒王…

仲有,多咗一個字…

大笨袋鼠
大笨袋鼠 2019/08/06 23:49:10 回覆

香港精英的抉擇:  8月5日 午市收市 跌777.86

animal666
animal666 2019/08/06 23:37:12 回覆

四個字...擒賊先擒王...

2028...

SIGH...

Wa
Wa 2019/08/06 23:28:48 回覆

不再犧牲  改變策略 智不鬥武

animal666
animal666 2019/08/06 21:02:35 回覆

Breaking news...

//

美國宣佈中國為匯率操控國...

//

2028...

SIGH...

大笨袋鼠
大笨袋鼠 2019/08/06 19:27:23 回覆

360-degree video from inside the Hong Kong protests

畫面右上角,按圓形內箭咀轉移角度;或直接在畫面上按左鍵轉動滑鼠

animal666
animal666 2019/08/06 18:55:42 回覆

今日期指輸左八萬幾蚊...

2028...

SIGH...

kaka422617
kaka422617 2019/08/06 15:56:41 回覆
@子龍 (kaka就是大叔的契哥)...

將軍,受教了。

你話收市位反映多空角力既結果,咁如果收市位低過阻力位,係咪反映後抽受阻呢?阻力位係咪可以睇裂口既位置黎決定? {#icons_dog1}

大戶終結者 ( 等人齊 )
大戶終結者 ( 等人齊 ) 2019/08/06 15:29:31 回覆
@子龍 (kaka就是大叔的契哥)...

今日出羊足 ..... {#iconb_261}

子龍 (kaka就是大叔的契哥)
子龍 (kaka就是大叔的契哥) 2019/08/06 14:54:36 回覆

大戶兄: 噢......收市位往往反映了后抽的幅度與力度, 投機者可以觀察到多空力量的角力呢..... {#iconb_62}

大戶終結者 ( 等人齊 )
大戶終結者 ( 等人齊 ) 2019/08/06 14:44:38 回覆
@子龍 (kaka就是大叔的契哥)...

將軍,

收市位決定後抽? {#iconb_61}

子龍 (kaka就是大叔的契哥)
子龍 (kaka就是大叔的契哥) 2019/08/06 14:02:22 回覆

kaka:  噢..留意今日的收市位..... {#iconb_62}

kaka422617
kaka422617 2019/08/06 13:32:12 回覆
@子龍 (kaka就是大叔的契哥)...

將軍,呢下後抽好勁 {#icons_dog5}

鏡
2019/08/06 12:14:34 回覆

反唔切手

子龍 (kaka就是大叔的契哥)
子龍 (kaka就是大叔的契哥) 2019/08/06 11:57:49 回覆

后抽吧....... {#iconb_62}

kaka422617
kaka422617 2019/08/06 11:40:35 回覆

後抽 {#iconb_368}

大戶終結者 ( 等人齊 )
大戶終結者 ( 等人齊 ) 2019/08/06 10:57:49 回覆
kaka422617
kaka422617 2019/08/06 09:35:54 回覆
@子龍 (kaka就是大叔的契哥)...

將軍,子龍淡軍不出,誰與爭鋒 {#iconb_3135}

大戶終結者 ( 等人齊 )
大戶終結者 ( 等人齊 ) 2019/08/06 09:28:58 回覆

全牛宴 ..... {#iconb_211}

子龍 (kaka就是大叔的契哥)
子龍 (kaka就是大叔的契哥) 2019/08/06 09:17:55 回覆

kaka, 大戶兄: 短時間內快樂, 必定有人吃吃呢. 但子龍只會等后抽加注,

如后抽受制------>必.......噢......... {#iconb_62}

大戶終結者 ( 等人齊 )
大戶終結者 ( 等人齊 ) 2019/08/06 09:13:23 回覆

{#iconb_62}

將軍,食糊未?  x2

kaka422617
kaka422617 2019/08/06 09:09:58 回覆
@子龍 (kaka就是大叔的契哥)...

將軍,食糊未? {#iconb_354}

子龍 (kaka就是大叔的契哥)
子龍 (kaka就是大叔的契哥) 2019/08/06 09:06:59 回覆

大戶兄: 我說過要你快樂, 讓我擔當失戀的主角....... {#iconb_362}

kaka422617
kaka422617 2019/08/06 08:59:26 回覆

各位早

user

最新回應

animal666
animal666 2019/12/14

中原城市領先指數 CCL


日期 Date 中原城市領先指數 CCL
(所有成份屋苑)
2019/12/02 - 2019/12/08 179.11

2028...

SIGH...

animal666
animal666 2019/12/14

(圖片來源:AP)

2028...

SIGH...

animal666
animal666 2019/12/14

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由

//

2012年樓市是高還是低?

2028...

SIGH...

animal666
animal666 2019/12/14

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁