陸羽仁
陸羽仁
陸羽仁

特朗普玩轉軚

2019/08/14 08:52:16 網誌分類: 經濟
14 Aug

特朗普私下炒股一定賺大錢,他見到美股近日急回,就馬上轉軚,昨日突然宣布推遲原本話在9月開始對新一輪中國的加稅10%,改為12月中才加稅,即時刺激歐美股市大幅反彈,德國及法國股市分別升0.6%1%,美股彈勢更凌勵,杜指低開74點,之後在不足一小時內狂彈590點,最高倒升516點,之後略為回順,收市升372點,收報26279點,升幅1.4%,收復了上日大部份跌幅;標普500指數升1.5%;納指升2%

特朗普昨日表示,為免關稅對即將來臨的聖誕節購物旺季造成潛在影響,美國貿易代表處宣布把對中國新一輪約3000億美元的部分徵稅商品從清單內剔除,並表示把其餘商品加徵10%關稅的日期,由原定的91日推遲至1215日。取消加徵10%關稅的產品包括手提電話、手提電腦、電子遊戲機等電子產品,以及一些衣服、鞋類和一些「指定的玩具」。受到這個利好消息帶動,相關的業品和行業股即時作出反應,其中蘋果大彈4.2%,收報208.97美元,係表現最好的杜指成份股;全美最大的電子產品零售商Best Buy亦抽升6.5%Nike2.1%,服裝零售商Kohls亦升2.9%,標普零售ETF1.6%;玩具製造商孩之寶(Hasbro)和美泰(Mattel)分別跳升2.8% 4.6%

其實中美貿易談判昨日已有異動,中國貿易代表應美方要求,突然召開電話會議,並說在會在兩週內再在電話傾。中方事後指在電話上反映了對美國宣在在91日對3000億中國貨加稅的不滿。而特朗普在Twitter上說,「和以往一樣,他們(中國)說會大量購買美國農民的產品。但是到目前為止,他們並沒有像他們所說的那樣去做。或許這次會不一樣。」

摩根大通的執行董事Adam Crisafulli表示:「美國對中國在貿易上釋放善意,對股市是正面因素,但要留意的是,即使美國取消對中國新一輪的關稅行動,標普500指數要升上3000點,仍需要很大的掙扎,中美關係的未來的關鍵發展還是取決於華為和美國農產品的購買問題。」

特朗普早前單方面玩加稅,既向中國極限施壓,也逼使聯儲局要在9月再減息。中國除了停止購買美國農產品之外,人民幣也跌穿7算,搞到美國都相當被動。

特朗普唯有為中美貿易談判潑冷水,表現得對於達成協議不太重視,還說達不達成協議無所謂,沒有協議,美國可以繼續徵稅,獲得很多資金,好像「食硬」中國那樣。不過,對於特朗普政府的貿易政策,美國的菁英界不是這樣看,《華爾街日報》上週便發表社論,說「美國經濟的擴張幾乎都是因為政策失誤而終結,特朗普雜亂無章的貿易攻勢可能會令美國經濟放緩並惡化至衰退。目前,美國經濟增速已從近3%放緩至2%。」

在差不多時候,諾貝爾經濟學獎得主克魯明(Paul Krugman)亦撰文稱,特朗普所做的一切都毫無意義,認為他對貿易的看法沒有條理,他的要求令人費解,他大大高估了自己對中國造成損害的能力,同時低估了中國可能對美國造成的損害。

近期美股急跌,特朗普面對的壓力大增。而特朗普昨日突然宣布對中國貨品新一輪關稅鬆手,皆因涉及的輸美商品已經涉及美國人日常生活必需品。一些沒有代替品的商品,加關稅勢必會推升售價,加稅後美國消費者最在聖誕購物時直接感加價的痛楚,肯定會影響特朗普的選情,計過數之後,惟有向中國釋出「善意」啦。

港股在美國ADR港比指數只升216點,升幅只有0.9%,低於杜指的1.4%升幅,本地股市仍受亂局困擾。

陸羽仁

回應 (28)
我要發表
kathleen
kathleen 2019/08/15 07:48:28 回覆

2019-08-14

Dow Jones Industrial Average (^DJI) 

25,479.42 -800.49 (-3.05%)

前收市價 26,279.90
開市 26,035.10
成交量 357,003,312
今日波幅 25,471.59 - 26,035.10
52 週波幅 21,712.53 - 27,398.68
平均成交量 268,350,476
animal666
animal666 2019/08/15 07:15:56 回覆

林鄭人肉錄音機七情上面板現已推出...

加左辦喊功能...

2028...

SIGH...

爆
2019/08/15 05:18:54 回覆

好恐怖啊好驚啊!美國都驚埋一份呀!跌800點呀! {#icons_cat1}

大笨袋鼠
大笨袋鼠 2019/08/15 00:53:55 回覆

講開故仔有舖癮…

假如香港戒嚴停市三日之同時,美國佬嘅當奴侵,除咗要照顧撤僑,做成外交上不穩定因素,另一方面佢實會追究經濟損失,凍結晒你香港金管局美元資產(夠唔夠膽連人民銀行嘅國庫債卷都凍埋一份呢… 唔知),咁樣聯繫匯率就會一吓子瓦解

爆
2019/08/15 00:42:03 回覆

好恐怖啊!好驚呀!

大笨袋鼠
大笨袋鼠 2019/08/15 00:38:48 回覆

By the way,香港啲熊仔到時贏咗都未必有錢收 {#icons_boy2}

外國市場對賭熊仔都可能無錢收,call孖展call死佢

大笨袋鼠
大笨袋鼠 2019/08/15 00:32:56 回覆

出得解放軍,香港應該已經戒嚴、股市起碼停市三日,痕指想跌都無得即刻跌

不過全世界其他市場會急於套現,因為無法沽計香港資產損失條數,挑戰1987年跌幅

1000點只係個零頭 {#icons_dog10}

爆
2019/08/15 00:23:48 回覆
@大笨袋鼠...

你講笑咋?拍戲咩?如果佢想恆指跌到1000點咁就照你劇本囉哈哈。我記得有一個記者會,個年青人話如果解放軍嚟就會返屋企瞓覺。我想是真的,香港入冇武器,唔似得美國人民有槍有,憑什麼跟人打?唔通真係激光槍?香港人是食老聰明的,呢樣野我唔擔心。

大笨袋鼠
大笨袋鼠 2019/08/15 00:25:40 回覆
@爆...

駐港部隊兵力約6000人,中型武裝;雖然裝備充足,但人數唔係好夠,要出解放軍,就一定要必勝數量同埋要夠震協性(shock and awe 嘛),起碼十零八萬軍人(啲勇武派話就話返屋企瞓覺,點撚知會唔會,無啦啦走出兩百萬個找死嘅市民),同一定會出埋坦克,最好整十多架直昇機製造大量燥音,十八區要區區有勢有樣睇。

袋鼠估解放軍未必熟路,連啲警察都未係,你睇番7月7日旺角清場,啲警察以為四方形完全包圍一個區域,唔俾記者進入(雖然大sir話俾),點知有人識啲後巷,帶立場同蘋果記者(好似議員都有份)入麥當勞後門睇吓警察有無揼人

大戶終結者 ( 等人齊 )
大戶終結者 ( 等人齊 ) 2019/08/14 23:45:59 回覆

黑期穿 25 樓, 美少細妹離上車又進一步 ..... {#iconb_223}

爆
2019/08/14 21:34:50 回覆
@大笨袋鼠...

我有一個問題:香港其實早有解放軍駐軍,(可能佢哋其實暗中已經出咗嚟,咁冇得講),但係佢哋正式要出嚟,近好多喎?又方便,又識路駛乜攪咁多野喺大陸調入嚟?

其實最主要係大陸夠唔夠膽,肯放棄呢隻金蛋,根本唔需要搵乜嘢體面嘅原因。大陸做嘢幾時講公平講原因!

大笨袋鼠
大笨袋鼠 2019/08/14 20:12:32 回覆

香港經歷咗十個星期嘅逆權運動,其中一個經常提起嘅問題,係中央會唔會、幾時會派出解放軍去平息呢一場運動。

暫時所有西方傳媒大路分析,從中港經濟、政治、金融市場、與及外交層面嘅角度(有留意應該知道論據,呢度唔再講),都認為現時情況之下,進駐解放軍會招致損失過高,往後發展亦有不穩定性,難以預測,所以相信解放軍在邊境演習,好大機會只係用於文宣,而唔係真正為進駐港城作準備。

不過除了以上分析,袋鼠今晚睇袋鼠國民電台,駐香港鬼佬記者,今晚在機場作直播時,同時提出一個黑天鵝嘅可能(或者係佢哋各位記者收工圍爐時傾出嚟?),醞釀點就係內地媒體對內文宣。

內地無論係官方發言、姓黨傳媒、以致網民留言(包括維穩五毛推波助瀾),都將香港呢場逆權運動,誇大*示威者暴力(*相對於佢哋無講過嘅警察濫權),有部份甚至講成為港獨,响內地民間形成一鼓仇港嘅風氣。如果任由呢個仇港風氣澎漲,到時內地民間開始有言論,強烈要求中央出動解放軍,『教訓』所有香港人,假如中央唔出解放軍,唔係再視之為『溺愛』香港,而係被指為對(被標籤)港獨份子軟弱無能;考慮到維穩前題下,咁佢仲出唔出解放軍教訓香港?

你哋睇番十多年前,內地有一場反日運動,當時接近失控情況,記唔記得?

kaka422617
kaka422617 2019/08/14 17:26:18 回覆
子龍 (kaka就是大叔的契哥)
子龍 (kaka就是大叔的契哥) 2019/08/14 16:25:26 回覆

鏡兄: 子龍只是一名廁男而矣. 5窮  6抽  7小樂, 8自然是大o樂....... {#iconb_62}

鏡
2019/08/14 15:28:40 回覆
@子龍 (kaka就是大叔的契哥)...

雖然不知道將軍如何計算出此目標價,

但信念實在強大,咁都震唔走

子龍 (kaka就是大叔的契哥)
子龍 (kaka就是大叔的契哥) 2019/08/14 15:17:06 回覆

鏡兄: 美少女細妹要上車......無計....... {#icons_dog1}

鏡
2019/08/14 15:11:25 回覆

{#iconb_67}穿埋尋日低位

大戶終結者 ( 等人齊 )
大戶終結者 ( 等人齊 ) 2019/08/14 14:39:15 回覆

抽唔起 ..... {#iconb_626}

子龍 (kaka就是大叔的契哥)
子龍 (kaka就是大叔的契哥) 2019/08/14 13:59:19 回覆

鏡兄: 噢....在下跌的形態下, 必定會同時有后抽, 只要后抽受制, 咁就.......... {#iconb_62}

未見228.......絕不平倉.....

鏡
2019/08/14 13:14:01 回覆

將軍依然不到易幻衫不平?

鏡
2019/08/14 11:18:39 回覆

差點挾4我有⋯最後逃生門🤔

kaka422617
kaka422617 2019/08/14 10:32:02 回覆

升唔起 {#icons_dog10}

大戶終結者 ( 等人齊 )
大戶終結者 ( 等人齊 ) 2019/08/14 09:34:05 回覆

{#iconb_62}

kaka422617
kaka422617 2019/08/14 09:03:26 回覆

將軍, 挾 {#icons_dog5}

kaka422617
kaka422617 2019/08/14 09:03:03 回覆

各位早

user

最新回應

Yan
Yan 2020/08/13

俄羅斯打響炒疫苗第一槍
2020年08月13日

  港股經過兩日喪炒傳媒股,昨日開始回復正常,大致跟住外圍走。美股連升7日後回調,港股開市亦偏軟,去到午後才在傳統股帶動回升,表現與美股開始炒疫苗面世相似。恒指收報25244點,急升353點,兩日累彈866點;市場交投活躍,大市成交增至1440億元。滙控(005) 股價及相關新聞 、恒生(011) 股價及相關新聞 、渣打(2888) 股價及相關新聞 分別抽升近5%,單是滙控獨力已踢高恒指101點。

  不排除好快輪到A股

  新冠肺炎爆發,掀起各國研發疫苗競賽,中、英、美三國疫苗上月下旬最早進入第三期臨牀測試,但俄國疫苗未做第三期臨牀,已搶先宣告自己達標,註冊疫苗專利,俄羅斯總統普京仲話自己個女打咗疫苗,預計疫苗9月可以量產,10月開始大規模接種。俄國的搶閘行為,同時打響炒疫苗面世重啟經濟的第一槍。早前有報道質疑,俄羅斯利用黑客盜取美國疫苗技術,現在俄國晒冷攞頭彩,相信又會引起相關炒作。

  據疫苗專家同陸羽仁解釋,要做疫苗其實唔難,差別只係效力同副作用如何,即係接種後有幾成機會免疫,以及接種後出現嚴重副作用的比例有幾高。本來正常開發一隻疫苗,大約要兩、三年時間,副作用可能要降到一百萬個接種者,先有一個案例才合格。醫學界先前估計若美國監管部門開快車,因為第三輪臨牀數以萬計人去測試副作用,原本要2022年才做完,最快要明年底會有新疫苗推出,但今年係美國選舉年,專家估計特朗普必定會催谷喺11月3日投票前,未做完臨牀都搞出首隻疫苗。喺咁嘅情況下,中國好可能喺接近時間都會推出,不排除好快A股都會炒這個概念。

  疫苗面世時間同成效標準有關,標準愈低推得愈快,專家話,新冠肺炎傳播性強,美國又不想犧牲經濟,現時每日有幾萬人感染,既然係咁,就算未達到一百萬比一的副作用標準,因為美國確診死亡率有3.2%,每日死1000人,使用疫苗計埋副作用都除笨有精。相反,如果好似香港情況,傳播相對受控,自然不會博。他估計首批疫苗推出,會先讓高危群組好似醫護先打,然後再向大眾推廣。

  依照專家分析,現時美國對疫情處理都係咁搞,所以最近美股杜指唔經唔覺又升近28000點,逐步接近疫前水平,反映市場對疫苗開發進展逐步消化。

  港股昨日特點除了喺午後升幅擴大,就係部份本地股回彈,當中商場股九置(1997) 股價及相關新聞 急升5.4%,收報32.45元,九置股價喺全日禁堂食前插至27元水平,創出疫後低位,但今個星期隨染疫個案回落,連續上升幾日。香港抗疫手段比較鬆弛,北京6月的小型爆發,26日內確診人數歸零,香港雖然未至話係佛系抗疫,但漏招「蝦碌」情況不時發生,相信要有兩三個月才能歸零,之後高官恐怕亦不敢隨便大手寬限,甚至放完又收,所以商場股真正要捱到比較平穩的日子,可能都係要等到有疫苗。只不過,商場股資產優質,加上股價大落後,故此偷步先炒一段。

  過去三日本地傳媒股借住有人呼籲買壹傳媒(282) 股價及相關新聞課金炒作一番,不過隨著公司主席黎智英獲釋,同證監會表明會調查,炒風午後急降溫,壹傳媒昨日由最高的1.75元急插,股價大跌41%,收報0.65元,從高位計勁插63%。其他跟炒股份都係大漲大回,如毛記葵涌(1716) 股價及相關新聞亦跌36%,收報0.99元。

  萬華沽毛記多謝課金

  在混亂之際,明報系的萬華媒體(426) 股價及相關新聞 就公佈,早一日按每股平均價1.547元,出售持有的675萬股毛記葵涌,佔該公司股本2.5%,合共套現1040萬元。之後昨日收市後透露又再沽,看來策略都係有得賣就賣。萬華媒體係毛記上市前的原始股東,上市時受限制未能高位沽貨,但當時萬華大股東華文媒體(685) 股價及相關新聞 被人炒起,大股東趁機都沽咗部份華文媒體股票,套現一筆現金。這番毛記有小陽春,萬華照辦煮碗,先收一筆課金,真係要講聲多謝啦。

  陸羽仁

曱甴
曱甴 2020/08/12

https://www.bastillepost.com/hongkong/article/6942183-泛民有勇氣做「忠誠反對派」嗎?/

喺可見嘅短期將來預計又要中央出手抿屎忽,等睇戲

80後股民
80後股民 2020/08/12

將軍,

紅得太揚眼, 引起敵軍注意沖向你陣營...... {#iconb_317}

子龍 (kaka就是大叔的契哥)

kaka: 成也QQ, 敗也QQ.....救我...... {#iconb_67}