陸羽仁
陸羽仁
陸羽仁

預期與現實

2019/08/23 07:33:27 網誌分類: 經濟
23 Aug

週四美股個別發展,變化不大。杜指升49點,收報26252點,升幅0.2%;標普500指數微跌不足0.1%;納指跌0.4%

美股反覆,主要係週四至週六舉行世界矚目的全球央行年會,投資者等待有關貨幣政策的訊息及線索。特別是聯儲局主席鮑威爾會在今日早上(美國時間)發表演說。

市場對鮑威爾的講話尤其關注,除了這是他自7月儲聯局減息以來首次發表演說,在上日公開的7月議息會議記錄顯示,與會官員們決定減息0.25厘只係聯儲局貨幣政策路線的「中期周期調整」,往後的利息政策要視乎經濟表現。最近由於中美貿易關係惡化、全球經濟,特別是中國經濟持續走軟、美國10年期與2年期的國債收益率自2007年以來首次出現倒掛、HIS Markit昨日公布的美國8月製造業採購經理指數(PMI)只有49.9,係10年以來首次處於榮枯線之下,投資者都在憧憬鮑威爾今次的演講,會否符合市場期待的加快減息。看美國聯邦利率期貨最新交易數字,市預計聯儲局9月減息0.25厘的機會仍高達92%

有分析警告,鮑威爾現面對很大的壓力,他的言論隨時會為股市帶來重大衝擊。除了聯儲局內部對於減息多少,甚至是否應該減息都出現分歧,在7月的會議記錄中,有大部份官員同意減0.25厘,有兩名官員認為要減0.5厘,也有官員認為不應該減息的,更重要的是他一方面受到來自美國總統特朗普要減息的強大壓力,特朗普近期不斷向他轟炸,甚至認為美國應該再減息1厘;另一方面是美國經濟數字其實又不是真的很弱雞,美國7月零售銷售增幅高過預期,亦係3月以來最高;失業率接近49年以來最低,遠未足以讓他有很充份的理據去大幅減息。然而,正如很多經濟學家都認為,市場最希望聽到聯儲局「不惜一切代價」的來應對經濟衰退,但鮑威爾今次的演說,可能會讓市場失望。

Charles Schwab的固定資產分析師Kathy Jones就認為儘管市場期待鮑爾將發表更多鴿派言論,支持他們降息的希望。但鮑爾將不會這麼積極,而是更加平衡。CIBC 經濟學家Avery Shenfeld亦認為,聯儲局可能會在9月再減息0.25厘,但未來不可能持續大幅寬鬆貨幣政策。

大家小心期望太高,現實不似預期。

陸羽仁

回應 (87)
我要發表
Bigmomo
Bigmomo 2019/08/25 23:53:38 回覆
@大笨袋鼠...

鼠兄,睇得出你尊重別人意見,和而不同,希望大家多D理性!有不同意見唔系問題,黃,藍出發點都系為香港好,方式方法的分岐!

爆
2019/08/25 23:28:32 回覆

袋鼠兄,

實在非常非常佩服,我實在冇你你嘅耐力同書寫能力,我覺得你應該可以做張無忌,請受我一拜。

大笨袋鼠
大笨袋鼠 2019/08/25 23:15:57 回覆
@阿Tom_hk...
你仲未問有關警察家屬私穩之前,已經回應咗應該點處理。
好嘞,夜嘞,袋鼠就聽bigmomo講啦
大笨袋鼠 2019/08/25 21:57:39 回覆

順便一提,外國警察及抄牌佬,個個係有冧巴,但係唔會俾名你,呢樣係作為監警及私穩之間作出平衡。其實如果成立獨立調查委員會,調查執法人員有否濫暴同時,亦應該要探討如何埋執法人員及家屬私穩問題。

大笨袋鼠
大笨袋鼠 2019/08/25 23:03:50 回覆
@Bigmomo ...

或者今晚袋鼠寫嘅嘢,令到你有介心。 {#icono0_48}

其實袋鼠只係想攪清楚,三者綑綁一起是否普遍接受。

不過想深一層,其實黃絲呢邊都有一個不割蓆嘅前題

PS 真心愛國嘅,袋鼠係認同嘅,袋鼠寫咗好多年,你問小貓愛情觀啦

Bigmomo
Bigmomo 2019/08/25 22:33:15 回覆
@大笨袋鼠...

鼠兄,不如簡單答你,你咁問,所講果3點,我一定全部支持,雖然我不滿政府,但我都知你之后會問乜.

因為暴力一定會用再高的暴力去制止的.

再講會泥漿摔角了,適可而止.

阿Tom_hk
阿Tom_hk 2019/08/25 22:26:59 回覆
@大笨袋鼠...

如果暴徒沒完沒了破壞,什至出現警員被拒絕進入商場,私人屋苑進行執法

唔認為係有雞先定蛋先有問題,一開始示威者已經單方面斷絕左「尊重程序

由第1點已經斷左,自然唔能夠到 2 及 3

當然你可以話係警方自己蠢唔揸正黎做

咁點樣繼續尊重程序公義嘅法治社會? 
連cctv都被破壞,警員愛襲合理開槍竟然比傳媒作新聞及扭曲
如果我只單方面批評警方,而對示威者未能拘捕

好聽D講,叫呢個「涉嫌參與暴動嘅示威者,若證據足夠被落案起訴,若果檢控成立由法官判刑,否則無罪釋放」
難聽d 叫無你符,玩灰色位
所謂 調查委員會根本不會成立,既單方面亦未能調查示威者,如何叫真相? 

程序被破壞,如何論法治?
連網絡都有警員起底,更再遠談,如何叫言論自由?

五大訴求  缺一不可,我諗係去催眠個班支持者,多過真係務實處理問題,真係當香港人傻 {#icons_dog9}

-----------------------------

你之前工作做什麼我不知道,只是入來看陸sir有冇回我問number

不過見到金曹,牛腩貓咪都不見了

大笨袋鼠
大笨袋鼠 2019/08/25 22:09:02 回覆
@其實...

今日雙方都暴力升級,但係呢一系列衝突嘅始作俑者,依然讓問題惡化落去

林鄭嘅態度,根本就係希望你哋繼續黃藍對罵,後生仔(警察)同後生仔(勇武示威者)對打,互相仇視,矛頭就唔再直指林鄭政府

不過民意翻盤嘅如意算盤,林鄭一路拒絕止蝕,每過一個星期,鑊鑊新鮮鑊鑊甘,呢度都係炒開股嘅巴打絲打,應該知呢啲死唔止蝕係大忌

大笨袋鼠
大笨袋鼠 2019/08/25 21:57:39 回覆

順便一提,外國警察及抄牌佬,個個係有冧巴,但係唔會俾名你,呢樣係作為監警及私穩之間作出平衡。其實如果成立獨立調查委員會,調查執法人員有否濫暴同時,亦應該要探討如何埋執法人員及家屬私穩問題。

大笨袋鼠
大笨袋鼠 2019/08/25 21:52:23 回覆
@阿Tom_hk...

首先問吓你,仲記唔記得袋鼠以前做邊行?一要袋鼠認真睇留言,袋鼠一定執著呢啲嘢

就舉例你講第二點回應 :『…暴徒、示威者有冇Number? 佢地會跟法例?…』

相對你好合理對袋鼠講:『我唔會否認警方過程有問題』,呢個先至係一個直接回應。另外,呢句高質過好多盲目撐警嘅人!

你認為勇武派示威者涉嫌犯法嘅行為,根本係另一回事,你可以另外質問。

大家只係講對家做過乜,唔直接接受對方詢問,根本唔可能搵到共同識,各有各講唔上身回應對方,所以袋鼠叫呢啲泥漿摔角

至於你講嘅暴徒,之前國務院發新聞稿,都係用緊激進示威者,人民日報係早幾日前先至用暴徒呢個字眼。袋鼠之前有同小貓心情觀解釋過,邊啲係中性字眼。好明顯你都係呢幾日先至睇留言,無跟進其他留言。

至於你問『如果你認為班暴徒無問題』,呢句唔似林鄭錄音機,真係一早答咗你,跟程序『涉嫌參與暴動嘅示威者,若證據足夠被落案起訴,若果檢控成立由法官判刑,否則無罪釋放

其實
其實 2019/08/25 21:07:07 回覆

藍絲們等到了,警察開槍了。

其實
其實 2019/08/25 20:58:54 回覆
@無知無畏...

所謂一念天堂,一念地獄,願意行多少步,就要看林鄭了。

阿Tom_hk
阿Tom_hk 2019/08/25 20:33:21 回覆
@大笨袋鼠...

「以上全部跟本可以歸納一點,亦係整個逆權運動,講緊一個香港人核心價值,你仲支唔支持香港繼續尊重程序公義嘅法治社會?」

我一向支持對「程序公義嘅法治社會」咁做

我唔會否認警方過程有問題
如果你認為班暴徒無問題,咁我點講落去,當然完啦

仲泥漿摔角 {#icons_dog7}

大笨袋鼠
大笨袋鼠 2019/08/25 20:27:23 回覆
@阿Tom_hk...

不是嗎?理由、法律列晒出嚟,你試過可以搵到共識? {#icons_dog7}

我問最後嗰句又唔見你答。

大笨袋鼠
大笨袋鼠 2019/08/25 20:14:06 回覆
@Bigmomo ...

其實真係好希望可以無咁大規模衝突,藍黃可以揾到共識

襯呢個機會,不如袋鼠想問吓,你個人認為藍絲,將以下幾點分得開、定係綑綁一起?

  • 愛國
  • 支持港府、建制
  • 撐警執法(暫且不理武力是否適當)
阿Tom_hk
阿Tom_hk 2019/08/25 20:10:50 回覆
@大笨袋鼠...

玩泥漿摔角 {#icons_dog7}。。。。

ok 完

Bigmomo
Bigmomo 2019/08/25 20:01:28 回覆
@大笨袋鼠...

鼠兄,或者咁講,見ki 兄引用其它文章亦代表左佢認同其意見,至於連結404,我都一樣睇唔到,見唔到,相信佢都唔想,自問文筆确實不及鼠兄,支持引用其它文章亦算是一種表達吧,理性交換意見,相信你都認同.

另外,政府房屋政策完全失敗系深層次矛盾,一日唔解決,永無寧日.

大笨袋鼠
大笨袋鼠 2019/08/25 20:02:04 回覆
@阿Tom_hk...

第一警察係出糧嘅唔係義務
唔代表佢正常執法要比你衝擊,暴徒唔代表正確
言下之意,暴徒出黎破壞係義務,打人就係崇高?

  • 警察誓詞: 本人(姓名),謹以至誠作出宣言(或,謹向全能之主發誓),本人會竭誠依法為香港特別行政區政府效力為警務人員,遵從、支持及維護香港特別行政區的法律,以不畏懼、不徇私、不對他人懷惡意、不敵視他人及忠誠、努力的態度行使職權,執行職務,並且毫不懷疑地服從上級長官的一切合法命令。

第二如果蒙面就係錯,咁警察而家刀蒙面,咁係咪警察就係錯?警察由頭包到落尾,政府規例佢哋要露出警察編號,但係佢哋都唔跟法例,咁係咪全港警察都係錯?
暴徒、示威者有冇Number? 佢地會跟法例? 佢地出黎破壞會否對法例負責?
暴徒家人會受到欺凌 網上起底? 暴徒既人要求人跟法例?

  • 警察通例 20-03 在市民要求下披露身分 在不損害行動效率的情況下,人員於行使其法定權力時,在市民要求下應披露足以辨別其身分的個人資料。人員按要求表明身分後,應最低限度透露以下資料: 警員、警長、交通督導員及 高級交通督導員 警署警長 及以上職級 職級及警務處職員編號 職級及姓氏

https://www.police.gov.hk/info/doc/pgo/tc/Cpgo020.pdf

第三警察捉咗示威者之後毆打,係唔係跟法例?
暴徒,什至激進示威者又係合法?

  • 涉嫌參與暴動嘅示威者,若證據足夠被落案起訴,若果檢控成立由法官判刑,否則無罪釋放
  • 濫暴嘅警察,例如涉嫌响北區醫院對一名市民濫暴施刑嘅警察,若證據足夠被落案起訴,若果檢控成立由法官判刑,否則無罪釋放

……

其餘嘅真係唔得閒同你哋玩泥漿摔角(fact check同搵相關法例好花時間),以上全部跟本可以歸納一點,亦係整個逆權運動,講緊一個香港人核心價值,你仲支唔支持香港繼續專重程序公義嘅法治社會

大笨袋鼠
大笨袋鼠 2019/08/25 19:25:08 回覆
@Bigmomo ...

既然你點名,又抬埋牛腩貓咪借5舊水出嚟(袋鼠叫佢第二個名),袋鼠就回應吓

如果你真係有睇k-i嘅留言,9成9係cut and paste嘅轉帖,仲要個連結做唔好,一半係『404』;萬一你見到佢自己寫嘅嘢,多數係啲口號式,原由就完全係佢借用其他文章內容

所以所有對佢留言嘅回應,係針對原文嘅邏輯(或者係k-i 引述嘅『段章取義』 - 唔得吓吓都接去404,見佢抄嗰句就直接回佢嗰句),並無針對或挖苦佢個人

至於你所謂『挖苦』之說,或者你有無留意好多佢引述嘅段落,根本係萬能key,何來挖苦?

無知無畏
無知無畏 2019/08/25 19:11:56 回覆
@其實...

大部份香港人會接受?剩番小部份唔接受咁點先?不用多,20萬人夠小部份未?佢地係唔係一樣可以圍機場,塞馬路,阻地鐵先?點啊,佢地就無權利咁做?淨係和理非先有權搗亂?

其實
其實 2019/08/25 18:45:21 回覆

看來林鄭政府真的一再錯,首先希望強行通過送中條例,失敗後希望引蛇出洞,引誘破壞立法會,企圖增加反對聲音,最後加強警方武力,希望以暴制暴方式阻嚇示威者,解決的時機已盡失而這些措施現時顯然不發生作用。看來要解決的只有兩個選項,第一選擇應該是開真槍或者只要在街上聚集就拉,這些當然不希望發生,如果林鄭有足夠智慧又可以放下自身利益,正如佢所講唔希望見到香港玉石俱焚,他可自行辭職,撤回方案及成立獨立委員會,我相信只要這三項能夠實現,相信大部份和李飛的港人是會接受的。現在已不是誰對誰錯的關係了。

Li
Li 2019/08/25 15:33:30 回覆

警賊幪面: 方便打人

C民带罩: 驚人拉走

警賊家屬带罩: 壓力大到驚人

阿Tom_hk
阿Tom_hk 2019/08/25 14:29:57 回覆
@爆...

多謝你勤告 {#icons_dog9} 我呢D投資好弱,當然只識問number

其實一次過覆唔到咁多,唯有用橫線分隔唔同來回應睇法

我相信呢個世界人人都各有長短 {#icons_cat9},人人都聰明既

只係眼睇既野未必一樣,但選擇側埋一邊,矮化另一樣野什至當無一回事,係咪合適就自行判斷

爆
2019/08/25 14:14:25 回覆
@阿Tom_hk...

定係你要扮到好清高既高人入黎批鬥?
來表揚你好聰明?

--------------
陸sir 係咪無再回應網誌了? {#icons_dog5}
問number 無回覆

我唔係好明你點解咁講,我冇話我自己好聰明,雖然我都幾聰明,又或者你由我講嘅說話睇得出我好聰明?謝謝嘻嘻但係呢度好多人都好聰明,唔係淨係得我一個喎?我奉勸你一句啦,我未見過有人問Number會賺錢,點解?因為人哋冇義務幫你賺錢。呢個係我嘅忠告,我希望你唔好話我又要表揚我自己好聰明啦

他
2019/08/25 13:49:29 回覆
@爆...

絕對同意

Bigmomo
Bigmomo 2019/08/25 13:47:08 回覆
@阿Tom_hk...

极為同意!

阿Tom_hk
阿Tom_hk 2019/08/25 13:01:52 回覆
@其實...

其實等同向著一個人既頭黎打,都唔係一件好事,
只係外表上同殺傷力看出來,槍威力強

讓暴力漫延,不是正確方向,
不過只要雙方各執一詞都難解社會問題

所謂獨立調查委員會,什至真相委員會都係空中樓閣

阿Tom_hk
阿Tom_hk 2019/08/25 12:56:11 回覆

第一警察係出糧嘅唔係義務
唔代表佢正常執法要比你衝擊,暴徒唔代表正確
言下之意,暴徒出黎破壞係義務,打人就係崇高?

第二如果蒙面就係錯,咁警察而家刀蒙面,咁係咪警察就係錯?警察由頭包到落尾,政府規例佢哋要露出警察編號,但係佢哋都唔跟法例,咁係咪全港警察都係錯?
暴徒、示威者有冇Number? 佢地會跟法例? 佢地出黎破壞會否對法例負責?
暴徒家人會受到欺凌 網上起底? 暴徒既人要求人跟法例?

第三警察捉咗示威者之後毆打,係唔係跟法例?
暴徒,什至激進示威者又係合法?

第四南師警察打人打到毆晒血嘅睇報紙完全睇到,王師有冇打人打到嘔晒血?睇下報紙啦不過唔好睇大公報喎,警察捉左人之後打到啲人斷骨子宮出血合理合法嗎?
其實講係咪大公報無意思,不論TVB, Now, Cable 都影到警察同暴徒各自打人
暴徒打人就合法?何必偏面盲罵
又歪理


第五如果你覺得破壞公物重要過人命,咁表示左你嘅人格本質。
其實更加表示左你人格本質,見到暴徒圍打人你都當話無,仲反問話公物定人物緊要,
你唔單止當暴徒打人係無一回事,什至更加當破壞一回事

完美示範

除非你認為你讀書入面學既內容,道理全都係錯,什至係廢
否則憑乜野用講法例,講法治什至人格本質作為理據

仲咁有意思去質疑另一方人格? 
又係將自己抬起所謂既道德高地

社會有病,係無得救,從根底裡社會變質,社會亦難言中立
但竟然有人當自己係唯一正確道路,真係匪而所思

其實
其實 2019/08/25 12:39:05 回覆

即使係任何政見做好,真的不能接受向着一個人的頭開槍

爆
2019/08/25 12:00:43 回覆
@無知無畏...

第一警察係出糧嘅唔係義務㗎

第二如果蒙面就係錯,咁警察而家刀蒙面,咁係咪警察就係錯?警察由頭包到落尾,政府規例佢哋要露出警察編號,但係佢哋都唔跟法例,咁係咪全港警察都係錯?

第三警察捉咗示威者之後毆打,係唔係跟法例?

第四南師警察打人打到毆晒血嘅睇報紙完全睇到,王師有冇打人打到嘔晒血?睇下報紙啦不過唔好睇大公報喎,警察捉左人之後打到啲人斷骨子宮出血合理合法嗎?

第五如果你覺得破壞公物重要過人命,咁表示左你嘅人格本質。

阿Tom_hk
阿Tom_hk 2019/08/25 11:17:38 回覆

有人說有人拿菜刀,白衣人木棍是心底裡暴力,

是的,我非常同意,當人被情緒或仇恨遮蓋,理智被埋沒,真的做錯了

但圍打別人的頭就不是有攻擊性?
燒彈、掉磚,就覺得沒有問題?
那先自己最簡單用拖鞋或叫別人拳頭試自己一下

任由暴力而不割,看到暴力扮看不到不阻止不正視,盲撐
是同一樣的醜,心底同一樣的暴力,惺惺作態
社會更用良知去包裝,還有好高學歷,社會良才,真係虛偽
某些人仲想批鬥,但完全睇唔出做既野同呢類有咩關係
不難說香港無得救

難怪梁家傑他一句說暴力有時可以解決問題,香港的確有病。 

------------------------------------------------------------

社會風氣真係好有問題,呢個網誌又無標榜係一個權威高論
只係一個分享討論既平台,睇好睇錯都無人知,因為點都係馬後炮
連討論既野都要用批鬥形式,真係好好思考下
定係你要扮到好清高既高人入黎批鬥?
來表揚你好聰明?

--------------
陸sir 係咪無再回應網誌了? {#icons_dog5}
問number 無回覆

無知無畏
無知無畏 2019/08/25 11:07:29 回覆
@爆...

藍絲抓刀係出於個人內心的憤怒,係無需組織過的純個人感受的一種宣泄。無論方法是否正確,一人做事一人當,個個以真面目示人,表達個人的感受。唔似黃絲聯群結隊,蒙頭蒙面,如喪屍一樣暗地裡到處搞破壞;搞事就罵警察,出事就求警察,真唔怕羞家。

講人格?先定位自己的人格啦!

爆
2019/08/24 23:10:47 回覆

又有南屍抓住刀,藍屍們可否解釋一下點解揸刀楂棍的總是南師?唔見有王師揸刀?是否某程度上可以反映籃屍係啲乜嘢人格?乜嘢素質?

animal666
animal666 2019/08/24 20:31:10 回覆

RE

//

大笨袋鼠

大笨袋鼠 2019/08/24 12:19:27 回覆

「旁觀者…任由錯事一直做下去…粉身碎骨」

講緊香港土地及房屋政策?

//

講緊全世界印銀紙...

2028...

SIGH...

Bigmomo
Bigmomo 2019/08/24 19:56:36 回覆

Ki, 支持你繼續發聲,任何形式,這欄我睇左10幾年,一些挖苦説話,笑笑算了.

証明一下,我知之前有位牛腩貓咪,借5舊水的....

大笨袋鼠,鏡兄,我們雖然立場不一樣,亦同樣尊重你的發言,和而不同.

大笨袋鼠
大笨袋鼠 2019/08/24 17:59:00 回覆

港鐵已『撤回』串錯字印章嘅文件,補上正確副本

爆
2019/08/24 17:19:32 回覆

Ki你可能得返10幾年,唔想走出籠內,眷戀籠內嘅食物(你嘅資產),但係嗰班後生仲有5-70年,你叫佢哋點忍?

最重要嘅係就算一隻雀仔,佢都會飛出龍,追逐嚮往自由。唔通香港人連一隻雀仔都不如嗎?

爆
2019/08/24 16:22:44 回覆

我是覺得很悲哀,我估他他真的相信他所寫的東西是對的,而大陸培養成大部分人都是這樣。根本不知道自己活在籠內。 

大戶終結者 ( 等人齊 )
大戶終結者 ( 等人齊 ) 2019/08/24 13:14:34 回覆

黑期快樂差不多六舊 ..... {#iconb_625}

animal666
animal666 2019/08/24 13:14:28 回覆

我是見到k-i覺得惡心  {#iconb_228}

2028...

SIGH...

animal666
animal666 2019/08/24 13:13:10 回覆

根本而家大陸畀咩佢都照用...

2028...

SIGH...

animal666
animal666 2019/08/24 13:11:20 回覆

RE

//

大笨袋鼠

大笨袋鼠 2019/08/24 12:09:23 回覆

http://www.mtr.com.hk/archive/en/pdf/interim_injunction_order_20190823.pdf

响佢未刪除前,快睇吓有乜問題

//

Hight Court...

WTF...

2028...

SIGH...

大笨袋鼠
大笨袋鼠 2019/08/24 12:19:27 回覆

「旁觀者…任由錯事一直做下去…粉身碎骨」

講緊香港土地及房屋政策?

大笨袋鼠
大笨袋鼠 2019/08/24 12:09:23 回覆
其實
其實 2019/08/24 10:30:59 回覆
@其實...

如果話示威人士搞亂香港,令到香港做生意困難,而同時又話香港已被邊緣化,一文不值,這兩個論點其實是自相矛盾的。如果香港真的已被邊緣化,賺錢不容易,那麼所有商人應該移入中國,在中國裏邊賺錢,那邊沒有示威,也沒有反對聲音,理論上應該賺大錢的

爆
2019/08/24 10:11:36 回覆

嘩美國特朗普反應好快,即刻加返關稅

kathleen
kathleen 2019/08/24 09:12:19 回覆

袋鼠,周末愉快! {#iconb_25}

我的股票早已清倉,美股港股跌到底朝天都不關我事了。

不過可以等低位再建倉。

我是見到啲無聊人覺得惡心  {#iconb_228}

kathleen
kathleen 2019/08/24 08:59:26 回覆

2019-08-23

Dow Jones Industrial Average (^DJI) 

25,628.90 -623.34 (-2.37%)

前收市價 26,252.20
開市 26,134.20
成交量 364,263,518
今日波幅 25,507.18 - 26,320.29
52 週波幅 21,712.53 - 27,398.68
平均成交量 267,955,937
kathleen
kathleen 2019/08/24 07:58:10 回覆

袋鼠,you have a good weekend, too! {#iconb_524}

瀏覽更多回應 正在載入...
user

最新回應

animal666
animal666 2019/09/21

中原城市領先指數 CCL


日期 Date 中原城市領先指數 CCL
(所有成份屋苑)
2019/09/09 - 2019/09/15 183.28
2019/09/02 - 2019/09/08 184.96
2019/08/26 - 2019/09/01 185.45

2028...

SIGH...

animal666
animal666 2019/09/21

(圖片來源:AP)

2028...

SIGH...

animal666
animal666 2019/09/21

RE

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由

//

2012年樓市是高還是低?

2028...

SIGH...

animal666
animal666 2019/09/21

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁