長 廣 多（李柱銘先生的邏輯）

最近李柱銘先生在一周刋話中國今次衰在聖火傳遞, 安排了奥運史上路線最長,範圍最廣, 人數最多的火炬傳送, 受到示威人仕干擾乃必然之事ｏ假如奧運會在美國舉行, 聖火傳遞也同樣會遇到阻撓云云ｏ

這位律師先生可能習慣了在法庭上扭撗折曲, 將D不合法, 不合理 不合情之事講成有利佢自已的証據！

佢認為因中國冇立即俾雙普選香港（佢好似忘記了是佢班泛民令05政改𣎴能通過！寸步𣎴進, 唔係中國搞佢！係佢搞中國！）又話因中國冇改善人權, 所以活該如此！（佢完全漠視了中國近年的進展！只提佢想提之事！）

以前黄SIR有位同事, 信了不知什么邪教, 認為一定要靠自己抵抗力去克服病魔先至堅, 結果病鬼死咗ｏ現在這位李先生也是迷信只有民主就能解決一切ｏ經濟落後, 民主啦, 想冇示威, 民主啦！乜嘢唔掂！民主啦！

誰知民主只是一個政制, 還有好多事, 是要用人的智慧去解決的ｏ黄SIR又曾有一朋友, 又係咁諗嘢ｏ佢迷信原子彈的威力, 解決任何紛爭, 都出原子彈ｏ同老婆唔啱, 整個原子彈佢歎ｏ一定掂！ｏ地下有隻蟻, 又用個原子彈炸死佢ｏ同李先生乜义嘢, 都用中國冇民主解釋, 有異曲同工之妙也！

相信現實生活, 冇乜人夠李先生講嘞, 但黄SIR卻覺得真理似乎唔係佢果边噃！

正如今次中國奥運聖火俾人搞, 你話佢發大泥搞, 抵死！正如你話一位女士扮得靚俾D衰人騷擾, 又因個女士自已衰乎？李先生, 你D乜嘢邏輯呀？吓？