昂坪市集「童遊時光」 走進時光隧道 緬懷兒時玩具
2019/09/10 04:12:18 網誌分類: 生活
昂坪市集圓形廣場特設逾三米高的巨型纜車扭蛋機,打卡之餘又可以扭出兒時玩具,只需喺個人社交媒體專頁上載「童遊時光」佈置嘅照片,即可兌換扭蛋金幣。另一個打卡位放置於菩提樹下嘅摺紙遊戲「東南西北」,上面寫滿唔同小挑戰,帶大家重現課室上與同學嘅歡樂時光。
「玩具時光隧道」會展出多款經典五十至千禧年代香港流行玩具,包括塑膠玩具、鐵皮車、煮飯仔套裝同經典棋盤遊戲。展品承載一代又一代人嘅回憶,將玩具歷史呈現眼前,大家一同透過展覽認識香港新舊玩具轉變同里程,一睹兒時玩具嘅獨特風采,寓學習於玩樂!
另外,本地搖搖團體Let's Yo重臨昂坪 360,帶來花式搖搖表演,更加入互動環節,同大家一起分享玩搖搖嘅樂趣!仲有其他精采表演同糖畫工作坊等緊大家,唔好錯過啊!
Kelly Chu
■三米高巨型纜車扭蛋機係最佳打卡位。
■摺紙遊戲「東南西北」,上面寫滿唔同小挑戰,帶大家重現課室上與同學嘅歡樂時光。
回應 (0)
我要發表