Warehouse川崎展館下月結業 「九龍城寨」再清拆 日本粉絲不捨
2019/10/16 04:12:43 網誌分類: 生活
九龍城寨係香港一個好有特別歷史背景嘅地點，可惜早在港英政府年代已被清拆並發展。但日本人對城寨好有feel，喺Warehouse川崎遊戲中心重建城寨實景，成為旅遊熱點。但中心昨天張貼結業通告，宣佈喺十一月十七日結業。有日本市民見到通告後，上傳消息至Twitter，引起討論，霸佔Twitter熱門話題榜前三。
日本網民感到好唔捨得，紛紛上傳經到訪Warehouse川崎嘅相片，希望未去過嘅國民喺結業前到訪呢個能「穿越香港時光嘅空間」。Kelly見到都覺得好感動，原來有咁多日本人對九龍寨城有興趣、感情。
Warehouse川崎喺○五年喺神奈川縣川崎市開業，以九龍寨城風格裝修，重建無牌診所、肉檔、舊招牌、街招等九龍寨城特色，有「電腦九龍城」之稱。
Kelly Chu
■展館以九龍寨城風格裝修，重建無牌診所、肉檔、舊招牌、街招等九龍寨城特色。
■川崎重建城寨實景，成旅遊熱點。
回應 (0)
我要發表