閉門家裡坐3
2008/04/25 22:26:22
網誌分類:
生活
有一次又係瞓到濛濛瓏瓏, 又係失驚無神一個電話入o
有一位嬌滴滴的女人声, 請問乜乜大厦乜座乜樓o閣下係咪業主呢?
(吓?又關你事?)係又點? 唔係又點?(有小小嬲嬲地, 不過見佢係女人, 又唔好立即惡言相向!)
冇, 有人出價X百万想買你個單位, 有冇興趣?
阿姐, 唔想賣噃, 賣咗我住边呀?(呢位小姐, 認真白撞得緊要!三唔識七, 打個電話就想做X百万生意, 乜而家D地產公司咁做生意嫁!有冇成功個案呢?)
咁, 租唔租?
吓?租?租咗我住边呀?(黃SIR諗: 佢梗係心想, 呢條老嘢咁死得閒, 仲唔收線!)
哦, 我地一樣有租盤, 你想租幾大吖?(哈!呢位姐姐真好嘢!一於食住唔放!)
同我而家住緊呢個一樣大, 地址一樣, 得唔得?
車!你都混吉嘅!
吓?混吉得過你?我瞓得好地地, 俾你玩到醒晒o
黄SIR係咪好鬼無聊呢?嘻嘻!
回應
(0)
我要發表