不近人情的人 2

講開不近人情的人, 黄SIR立即想起一位, 一齊學唱粵曲的肥師奶, 也談不上有什麼交情（係靚師妹就梗唔同啦！千祈咪又對號入座呀！）

當此師奶知道黄SIR可以同人抄碟！佢居然叫黄SIR每隻佢想要的碟, 抄三份！黄SIR問何解要三份呢？佢話一隻帶出街, 一隻在厨房聽, 一隻做士啤！

黄SIR當堂啤一声！

又有一次一齊飲茶, 黃SIR要出一出去影D曲譜, 佢都唔知有冇用, 有理冇理, 搭單整多份, 成十幾廿文一份！影好咗, 黄SIR例牌話, 由得佢啦！（客套語而已！即唔該計清楚D, 俾番我啦！）誰知佢真係由得佢！（即冇咗件事！）佢揭揭吓仲話有一張唔清楚, 叫黄SIR去影過！真係俾佢吹到漲也！

周不時遇到D人投訴黄SIR送D果籃, 生果唔夠甜！又唔夠多！ 唱歌又唔夠好！ 做人又唔夠圓滑！寫D字又潦草！ 跳舞又唔得！對人又唔夠細心！ 去玩又唔肯出晒錢！寫上BLOG D嘢, 又唔好笑！得罪人又唔肯道歉………

唉！

你估我真係天下無敵咩？

係咪不近人情呢？吓？

千祈咪又對號入座呀！嘻嘻！