不君子行為
2020/02/21 04:13:05 網誌分類: 生活
在媒體工作幾十年，當然見過有好多奇怪的現象，大部份係機構文化形成，係結構性問題。少部份係其時主事人領導作風所致，問題亦可能源於個別主持人或監製自身的手法及立場，故此好難一概而論，認定必係媒體本身出了問題。
周初聽港台傍晚論政節目，就遇上不當的主持例子。節目透過電話訪問政見不同的嘉賓，雙方談了約十多分鐘後，訪問結朿。電話離線後，客席評論員和主持，竟然意有未盡，針對剛才對方的論點，再又作出批評！稍有主持常識的，該知道如有疑問或相反意見，應在討論時即席提出？對方離開之後的任何批評和詰問，等同係缺席審判，對被訪者殊不公道。尤如趁決鬥對手放下手中武器轉身之時，背後施加突襲，完全不光明磊落，係不君子行為。
以上如係疏忽，主持們當引以為誡。如果係慣性，則要好好檢討一下了。
楊振耀
回應 (0)
我要發表