睇韓劇看時裝
2020/03/14 04:13:01
網誌分類:
生活
劇中玄彬飾演一名北韓軍人，捨身相救意外跌入境內的孫藝珍，二人因此發展出一段既浪漫又感人的愛情故事，令一眾劇迷不分晝夜二十四小時追看，至完結方休。韓劇除咗睇型男索女之外，另一賣點就是靚地方、靚車同靚衫，每個細節都力求完美，務求令劇迷睇得目不暇給。在劇中孫藝珍所穿和所用的，件件都是國際一線大品牌，她不時更換Chanel tweed套裝、配襯Roger Vivier鞋同手袋，完全符合她是來自「高門大戶」。而玄彬脫下軍服穿上Fendi大褸真係型到無朋友，筆者終於明白乜嘢係「人着衫」而並非係「衫着人」。男女主角演員的名牌服裝並不是來自品牌贊助，而是製作費的一部份，因此，南韓電視台是投入龐大資金製作每一個劇集，令觀眾得到高質素的享受，難怪南韓劇集在整個亞洲的收視率爆燈，亦打造了不少韓星，完全體現韓國軟實力的表現。
反觀大台正在熱播的《法證先鋒IV》收視率雖然不錯，男女主角及一眾演員為咗型，每次奉召出動前往現場都帶上黑超，男的穿上西裝，女的着上行政套裝，不是不好看，但略嫌「太老正」與fashion兩個字扯不上關係。其中有一幕令筆者較為印象深刻，是年輕富豪玩家為了要鄭希怡陪他出席紅酒拍賣晚宴，專誠送上一條晚裝裙給鄭希怡，鮮艷桃紅色搶眼有餘，但一睇就知檔次低，鄭希怡身材高挑，她絕對可以駕馭不少名牌靚衫，但奈何製作資源有限，不能與韓劇相比，這亦是香港劇集收視率愈來愈差的其中一個原因。
靳清松
回應
(0)
我要發表