找老師需要注意的7個特質，第6樣好多人忽略而中招
私補愈黎愈普及，好多學生家長都開始找補習老師，但係私補老師既質素參差，教學能力同性格都會影響到學生學習既進度，搵到一個好既導師就當然好啦，但係如果導師唔係咁好既話，真係浪貴時間又浪費錢！咁到底點先為之一個好既補習老師呢，以下就歸納左一啲標準，Tutor Circle尋補希望可以幫到各位進步心切既學生同家長搵補習。
1.科目成績優異
2015年DSE狀元 Melody Tam, James Kwok。（資料來源：SCMP）
要識得教人，當然有係個方面都有返咁上下實力先得啦，教高中既話最好緊係要個科攞星既導師，教初中或小學既話起碼都要合格，識啲基本野。如果導師自己都讀唔掂，仲邊到有資格教人呢，相信呢一點大家都知，所以呢一點只係一個基本門檻，有唔代表佢係一個好老師，但冇既話都幾難係一個好老師。
想確保有一個成績好好既導師？Tutor Circle 尋補高中學生配對5*及5**率超過90%，係科目成績優異既不二之選。
2.能清楚解釋概念
可以溝晰講解到唔同複雜既概念，並且令學生明白係一件非常高深既學問。
呢一點非常重要，好多時候我地會有個錯覺，以為只要老師成績夠勁，就一定教得好，但事實並非如此，識讀唔代表識教！讀得好，係代表老師有好既理解能力，但教得好，係講求一傳送訊息同教人既能力，兩樣野係唔同架。要教得好，一定要識得將複雜既概念簡化，深入淺出，令到完全唔識既學生都聽得明成件事，靠組織同歸納幫助學生理解，而唔係幫老師自己理解，大家真係要留意呢一點。
3.耐性
補習老師需要有一定耐性，尤其是對住定力唔夠既小學生。
每個學生腦入面既資料庫都唔同，老師有時解釋左一兩次都未必有辦法幫到學生執理解成件事，因為大家既知識本身就有差異，要逐步幫學生由完全唔識到理解，有時係需要碼斷重複同犯錯，老師如果缺乏耐性，覺得學生唔掂，但又唔搵方法執令學生明，咁呢個真係唔算一個好好既補習老師。
4.了解學生需要
私補最有優勢既地方就係個性化，導師透過一對一或姐小班教學，可以清楚了解學生需要同問題所在，然後locate到呢啲不足作針對性改善，所以好既私補老師一定會時時刻刻留意學生係咩位卡住，有咩位唔係好掌握到，分析返要點樣進步，做啲咩練習，呢點就係點解好多人會選擇搵私補既原因。
完整文章: 補習老師