【行山好去處 2020】輕鬆越過高山低谷

2020/10/14 18:25:59 網誌分類: 運動

14 Oct

你行完山係咪咁嘅樣？

香港雖然被稱為石屎森林，高樓大廈起得密不透風，好像沒有太多行山好去處。但事實上，香港大部分嘅地區都係郊野，部分外國旅客（尤其是香港人最愛嘅日本遊客）黎香港嘅目的係想體驗行山好去處，既然外國人都識黎香港行山欣賞自然景觀，我地土生土長嘅香港人更加要體驗行山好去處。今日尋補Tutor Circle為大家介紹香港有咩體驗行山好去處。

1. 元朗河背水塘

第一，假若行山新手想遊山玩水嘅話，筆者推介各位試行元朗河背水塘依個行山好去處。呢個地方曾被選為「香港十景」，行山徑中樹木枝繁葉茂，一池水塘清澈碧綠。徑內路程頗短且地勢平坦，登山者可輕鬆行山之餘，亦可減低受傷機會。

2. 大澳虎山

第二，如果行山新手想望海睇日落嘅話，就一定唔可以錯過大澳虎山依個行山好去處。大澳虎山同河背水塘一樣，都係非常易行，而且，呢到更加可以見到市區少見，由夕陽映照海洋嘅水天一色。

3. 鴨脷洲玉桂山

第三，熟習行山後，想挑戰自己，行陡峭嘅山路？遊山玩水之餘，更想腳踏沙地？玉桂山可以一齊過滿足你三個願望！除此之外，山頂上更加可以遠望南丫島嘅怡人景色，不過要征服呢庭山確實唔易，係專業、行開山嘅你先適合嘅行山好去處，所以大家要先累積行山經驗同做好預備功夫。

行山新手有咩要準備？水要帶幾多先夠？

4. 油塘魔鬼山

第四，假若九龍人想近近地，輕鬆少少咁行山嘅話，筆者推薦大家行一次魔鬼山依個行山好去處。魔鬼山除左可以見到維港海景外，更加可以睇到唔少二戰遺蹟，例如炮台、碉堡等，簡直係行山界嘅博物館。

5. 菠蘿壩自然教育徑

第五，位於城門郊野公園入面嘅菠蘿壩自然教育徑，依個行山好去處以平路為主，係個親子行山好去處！成條行山徑一共有十四個導賞點，大多都係介紹城門水塘同沿途植物，其中最出名嘅係，水漲時可以睇到水浸白千層美景！每年12月至1月來仲可以見到紅葉！沿路仲可能會有野生嘅獼猴，記得要保管好自己嘅財物啦！

6. 河背水塘家樂徑

第六，河背水塘係元朗八鄉嘅一個灌溉用嘅水塘，睇落係個隱匿喺山林之中嘅小湖泊一樣，湖中仲有個小島，好似世外桃源，難怪之前獲選成為香港郊野十景之一！而河背水塘家樂徑環繞住河背水塘而建設，全程都係平坦泥路，係條非常簡單嘅行山路線，沿途兩邊綠樹繁茂、小橋流水，其中一段竹林路仲令人有種入左京都嵐山的嘅錯覺，最後仲可一覽本地少見嘅S型水壩，絕對係元屯天人嘅行山好去處！