獨立思考能力

香港D傳媒成日講嘢講埋一边, 例如蘋果日報, 就泛民放個屁,佢地都話香嘅, 如果你信佢, 就蛇都死了ｏ

近來民主黨港島區之爭位之戰, 果位甘乃威先生要霸頭位, 原因是他己經等候了多年ｏ唉！乜民主唔係選賢與能咩？乜論資排輩都叫做啱咩？人地咁做就叫做欽點！佢地咁做就叫做協調！真好嘢！

近來又見地鉄站田北辰先生有張大頭, 又係選舉前奏啦！條友最近自爆曾有婚外情, 又上志雲飯局, 又呢又路！今次真係要睇吓選民的智慧了ｏ

選舉就係最考驗市民有冇獨立思考能力的時候了, 觀乎以往選倒長毛,鄭經翰, 程介南, 逃緊身, 黄SIR就好覺D選民冇乜獨立思考能力矣！

獨立思考能力真的好緊要, 例如黄SIR話如此這般去買馬就嬴硬嘞, 你就要諗吓條友嬴硬, 咪發鬼咗？駛乜日日無無聊聊在吹水？懂得諗嘢就唔驚人地吹水吹過籠啦ｏ 明冇？

黄SIR讀小學時有位同學, 人地話將隻腳放在一架高速行走的巴士之車輪下, 係會無事嘅, 因為速度高, 接觸時間短嘛！條傻瓜信以為真, 想出馬路試吓ｏ好在黃SIR捉住佢, 唔俾佢做, 否則佢一定变跛跛矣！

其實現實生活信人亂點的人多的是, 上次港島補選人地咪話陳太代表民主, 都呃倒好多人啦！而家你就知條友……..民主個屁！唏！