陸羽仁
陸羽仁
陸羽仁

買公司債

2020/06/16 07:16:12 網誌分類: 經濟
16 Jun

聯儲局宣佈開始購買個別公司債券,消息抵銷市場早段因擔心新冠疫情出現第二波爆發,週一美股低開高走,杜指由朝早最高跌763點,一度反彈近1050點,收市倒升157點,收報25763點,升幅0.6%;標普500指數升0.8%,收報3066點;納指升1.4%,收報9726點。

美股昨日全線造好,標普500指數11個板塊全線上升,其中以金融股份表現最好,金融板塊升1.4%,高盛升2.3%,摩根大通升1.4%。科技巨股亦有好表現,FacebookNetflix1.7%;蘋果和亞馬遜升超過1%;羅素2000中小型股指跑贏大市,升2.3%

聯儲局昨日宣佈開始從二級市場購買個別公司債券,聯儲局在新聞稿中表示,購公司債目的是創造一個「廣泛的、多元化的美國公債券投資組合。」目的是要補充正在目前正在購買的股票基金組合。上月中聯儲局開始購買包括iShares高評級公司債ETF和高收益的垃圾債,昨日宣佈開始購買個別公司債。投資者對美國企業債務違約的擔憂激增,評級機構穆迪估計,投機級公司債券的違約率可能達到近10%,遠超去年的2.3%和歷史平均水平4%

企業債購買計畫是聯儲局為了給受疫情衝擊的美國經濟提供緩衝,保持信貸流動性而設立的,目的是希望緩解企業因債務違約,避免大規模破產的情況出現。按聯儲局的計劃,最多可以購買的公司債的規模達到7500億美元金額,而根據其最新的指引,聯儲局只會購買二級市場上5年或以下到期的公司債券,發行人評級必定要在322日前評為BBB-Baa3的。其他幾個因素包括管理方式、存托機構的債務數量、管理的資產總額、平均每日交易量和槓桿等。當然,聯儲局購買某ETF或公司債是有上限的, 不能持有任何一隻ETF20%以上,或單個公司債券10%以上。

MacKay Shields的資深宏觀經濟學家 Steven Friedman表示,聯儲局決定廣泛購買公司債券,意味著其政策由此前較為被動的態度,轉為比較主動。這是聯儲局公開市場委員會(FOMC)上週開會之後,得出美國經濟在新冠疫情持續的影響下,復甦似乎遙遙無期,在短短不足一星期內做出的決定。要留意的是,在上一次金融危機的時候,時任聯儲局主席的伯南克,也不敢採取這樣富爭議性、特別是有道德風險的救市行動。反映今次新冠疫情為經濟帶來的衝擊,比由次貸風暴帶來的危機更深更廣,遂逼得聯儲局救市無所不用其極。

但市場擔心的是,有了聯儲局的人為干預,令到企業無節制地舉債,通過經濟週期淘汰僵屍企業已經不可能,而隨著債務泡沫的形成,隨時成為下一個更大的風暴。據聯儲局上週四發佈的數據顯示,企業債務猛增18.8%,是1946年有紀錄以來最大增幅,另外,政府債務增加14.4%26萬億美元,而家庭債務亦增加了3.9%

陸羽仁

回應 (8)
我要發表
Yan
Yan 2020/06/17 06:56:17 回覆

有股快炒 有生意快做
2020年06月17日

  美股前晚大玩過山車,杜指開市大插逾700點,收市倒升157點。港股周一跟隨美股期貨急挫,見美股無事,港股開市逐步回升,一度攀升近700點,個別科網股彈力甚佳,兩日足夠走一轉來回,夠膽炒波幅有機會搵到食。

  借擔心疫情反彈,美股由高位回落,走勢上形成兩隻下插的腳,試過第二次低位回升,由於美股回升幅度不小,相信未來會趨向上下波動。港股周一跌後,昨日收回失地,升567點。政府公佈限聚令再放寬,對市場氣氛有一點幫助。本來政府準備公佈推行港康碼,為港澳同廣東通關做準備,因為突然爆出北京和本地祿泉樓感染個案而推遲。中環茶友講起疫情反覆,做生意應該如何應對?陸羽仁答案是無得等,應該化被動為主動。

  波動成常態 難等萬里晴

  今年生意難做,先有疫情,跟住社會事件重臨,上個月中央提出為香港立《港區國安法》,不少生意人本來想催谷一下生意,每當想動手時,就有突發事故,搞到埋門一腳又要縮番。從當年沙士經驗,疫情時一片水盡鵝飛,但捱兩、三個月就見到曙光。相反,今次不利因素一單接一單,似乎成為新常態。這種環境出現,一個大氣候因素係中美關係惡化,兩個大國維持緊張狀態,加上美國的單邊主義,全球協作減少,這種環境基本上不利製造財富,喺呢個時間一係唔做生意,否則就不要期望有萬里晴空的好日子,無論經商抑或投資,都要有冒雨出海的準備。

  好似本地商戶想趁粵港澳關口開通,加強推廣做生意,現在又要等,但等等吓又話驚《國安法》令社會事件重臨,跟住到七月又話驚大遊行、八月驚選舉前會打大交,等到九月立法會選舉過後,天下又是否太平呢?據病毒學家估計,到了天氣轉涼,10月過後疫情有可能再爆,可能要等到來年有疫苗,情況先會真正穩定,咁做生意是否可以等咁耐呢?

  比較現實的做法,就是改變過去大直路均速的跑法,改為靈活應變,有機會就谷,形勢變就縮。好似發展商賣樓,今年一直等雨過天青,現在見情況稍為穩定,就急急開盤食一陣胡先。這個策略風險無疑比較高,但遇上今時今日的亂局,做生意就係難,當太平日子不知何時來臨,一味等亦未必比博一博安全。

  按照同樣邏輯,炒股現在無得等大牛市,反正指數波幅夠大,資金成本又平,變成有利短炒的環境。股票買賣比做生意靈活,現在銀行無息,如若手頭有資金,利用大市急跌回落入貨,捱價就當收息,升得咁上下就出一出貨,炒波幅相對比長期持有更容易獲利。

  恒大健康四日漲八成

  今個星期恒指先chok低,昨日又chok高,外電指美國正準備近萬億美元的基礎建設經濟刺激方案,美股期貨一度飆升逾700點,帶動恒指最多曾飆757點,至24534點,其後美期升幅收窄,恒指收報24344點,勁彈567點,成交金額1146億元。美資大行花旗預計未來12個月,H股表現勝於A股,恒指目標為28226點,仲睇好阿里巴巴(9988) 股價及相關新聞 、中國人壽(2628) 股價及相關新聞 、阿里健康(241) 股價及相關新聞 、中生製藥(1177) 股價及相關新聞 及高鑫零售(6808) 股價及相關新聞 等幾隻股。

  阿里巴巴漲3.1%,收報231.2元,科網股紛紛造好,騰訊(700) 股價及相關新聞 領漲大市,抽升3.5%,收報448.8元,獨力踢高恒指84點;美團點評(3690) 股價及相關新聞 再創上市新高,高見172.5元,市值升穿1萬億元,收漲7.84%,報172元;小米(1810) 股價及相關新聞 漲3.5%,收報12.9元;網易(9999) 股價及相關新聞 漲3.7%,收報129.7元。恒大健康(708) 股價及相關新聞四連漲,爆升22.1%,收報11.94元,四日累飆88%。

  華府批准修改對華為禁令,容許美企與華為商討制定5G國際標準,5G概念及手機股份表現省鏡。中興(763) 股價及相關新聞 勁彈15%,收報23.4元;華為概念的中軟國際(354) 股價及相關新聞 漲8%,收報4.43元;手機股舜宇(2382) 股價及相關新聞 飆8%,收報115.7元;晶片股中芯(981) 股價及相關新聞 炒高12%,收報21.35元。中芯跟住中美貿易關係炒作,急升之後又可以考慮短線食胡。

  陸羽仁

大笨袋鼠
大笨袋鼠 2020/06/17 02:58:19 回覆

見到有視頻廣告,話網上平台交易免費,即係嗰啲落搭嘅散戶,就係產品啦! {#iconb_624}

早前睇過一段新聞,有成5千幾萬美國散戶炒即日鮮,推動唔少股票升跌,不過佢哋啲買賣落盤嘅即時資訊,係已經被攞去賣錢,多數係啲高頻交易公司買。

順帶一提,中印邊境,而家不斷惡化中,另類攬炒…

子龍 (kaka就是大叔的契哥)
子龍 (kaka就是大叔的契哥) 2020/06/16 14:04:14 回覆

大戶兄: 科老一早已說明, 趨勢 = 資金 + 心理. {#iconb_62}

大戶終結者 ( 等人齊 )
大戶終結者 ( 等人齊 ) 2020/06/16 13:23:56 回覆

{#iconb_62}

將軍    {#iconb_261}

子龍 (kaka就是大叔的契哥)
子龍 (kaka就是大叔的契哥) 2020/06/16 12:15:02 回覆

叮噹....半日大市升7舊, 成交637億......... {#iconb_62}

財爺
財爺 2020/06/16 11:26:19 回覆

{#iconb_62}

80後股民
80後股民 2020/06/16 09:56:10 回覆

大家別怕,最多全球手拖手攬炒.....

路上有伴

子龍 (kaka就是大叔的契哥)
子龍 (kaka就是大叔的契哥) 2020/06/16 09:51:18 回覆

大戶兄: 係咪唔同晒呢...... {#iconb_62}

user

最新回應

animal666
animal666 2020/07/04

Luk Gou Ah Ha Ah Ha...

2028...

SIGH...

animal666
animal666 2020/07/04

 

2028...

SIGH...

2028…

SIGH…

 

 

 

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由。

//

2012年樓市是高還是低?

2028...

SIGH...

 

 

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁

 

大戶終結者 ( 等人齊 )
@fly仔...

將軍數鈔狂潮 ..... {#iconb_245}

80後股民
80後股民 2020/07/03

美股造升夠誇張, 港股碎料....仲未好瘋狂......