股價低過11年前海嘯價 青姐評滙豐唔再喊 叫股民要狠心割愛
2020/08/08 04:12:25 網誌分類: 生活
Kelly安坐家中抗疫，不時留意一下股市嘅走勢。滙控股價疲弱，唔少持有者「財息」雙失。睇番○九年輕姐為滙控急挫至三十三元喺鏡頭面前落淚，但佢昨日同Kelly講，銀行業喺長期零息環境，確係好難支持落去，加上滙控公佈咗中期業績，壞帳由去年底嘅八十多億美元升至六月底嘅一百三十多億，撥備大增，自己唔再睇好佢之後嘅價位。
青姐當年同傳媒講，情緒失控係為咗滙控股民難過，「見到唔少公公、婆婆輸得咁厲害，一時感觸喊咗出嚟」，但見到滙控今年「連息都唔派」，反問番小妹：「仲想點呀？」佢話，如果有上一輩有留落一啲五號仔嘅話，「咁多年收息都收番晒（成本價）啦」，再次勸喻大家「唔好同股票談戀愛」，反而可以考慮其他公用股博收息喎，謝謝青姐嘅分析。
Kelly Chu
■青姐預料滙豐股價未見底。
■當年滙豐股價跌到33元時，青姐曾激動落淚。資料圖片
回應 (0)
我要發表